掃呢頁CODE去手機

2015年9月1日 星期二

出爐港姐啱演咩角色?



大家又覺得佢哋啱做咩角色呢?

next 1/1 pre

麥明詩做番律師就最合適。

next 1/1 pre

大家又想睇佢反轉人生,演壞學生、邊緣少女。

next 1/1 pre

網友就覺得龐卓欣就最啱做富家女。

next 1/1 pre

幸福一家人。

next 1/1 pre

郭嘉文同李亞男撞晒樣!做李亞男細妹就FIT晒。

next 1/1 pre

無綫年度盛事《香港小姐競選》完滿落幕,冠亞軍分別由兩大熱門「十優狀元」麥明詩(Louisa)及「寸嘴Ada」龐卓欣(Ada)奪得,可謂毫無縣念,而季軍則爆冷落入「城大學生」郭嘉文(Karmen)手中,其實歷屆港姐競選都係無綫吸納女演員新血嘅一大來源,唔少網友已經爭住為應屆出爐港姐「度身訂造」劇集同角色,不過似乎網友都幾鍾意睇到佳麗做番「自己」喎!

恨睇Louisa做壞女孩

首先係Louisa,大家都知道佢係「10A狀元」加「劍橋大學法律系」出身,所以網友就最啱緊係做「律師」角色如果無綫開拍《四個女仔三個Bar》續集,Louisa仲唔係不二人選?現實中嘅Louisa係高材生,但如果無綫開拍校園劇,有網友話反而想睇佢「反轉人生」,扮吓壞學生、邊緣少女,因為見佢喺港姐決賽表現咁大方得體,實在想像唔到如果佢講粗口或者舉止粗魯會係點,Louisa扮起MK wet妹分分鐘帶畀大家驚喜!

推Ada做千金小姐

至於Ada,早前有爆料指Ada愛夜蒲攬仔,而佢寸嘴嘅形象亦非常鮮明,似乎演繹「壞女孩」角色應該可以入形入格,再唔係演千金小姐角色亦得,因為佢現實中有位富爸爸,家底相當豐厚,而Ada仲可以喺拍劇時出動私家服裝、飾品大晒冷,夠晒真實感!

Karmen同李亞男做孖妹

對於賽前相對低調嘅Karmen奪得季軍,網民都話有啲「估你唔到」,而且賽前有關佢嘅新聞亦唔多,但講到Karmen適合做咩角色,網友第一時間就推薦佢同藝人李亞男做「孖女」喎,真係唔講唔覺,一講就覺得似到「嘭嘭聲」,網友誇張到話連王祖藍都未必分得出,相信要分辨Karmen同亞男,怕且只得高度唔同!

網民有話兒:

綠XXX包:最想麥明詩做律師或10A狀元

情XXX線:整番套《四個女仔3個bar》嘅續集,麥明詩做主角

我XXX蝦:麥明詩做mk妹角色,中二輟學,之後為搵兩餐去做洗碗

QuXXXna:季軍嗰個好靚,好似李亞男呀,似到...我覺得無線可以拍套劇講孖生姐妹,搵佢地拍!

葉XXX雨:龐卓欣做有錢女la,服裝都慳番,全部出私伙

鍾意就快D Share啦!