全知言
開學喇喂！校園電影邊套最經典？
開學喇，開學喇！之前楊千嬅孭飛嘅《五個小孩的校長》人人 like爆，個個睇完變喊包，仲千叮萬囑記得準備大量紙巾備用，同時票房仲高達 4千萬，最緊要成本低賺大錢笑到 gap gap聲！
其實歷年來都有唔少校園片爆出過，遠嘅有星爺套《逃學威龍》系列，近有女神陳妍希成名作《那些年，我們一起追的女孩》，各有各賣點，搞笑同催淚元素缺一不可，就算事隔咁耐再回帶，都一樣好青春㗎！
雨僑：
我最喜歡嘅校園片係《不能說的秘密》，因為裏面有我最喜愛嘅周杰倫，佢彈好多琴又好學生哥，我嗰陣都係讀緊書，完全投入咗。因為呢套戲都會專登去彈裏面啲歌，不過周杰倫已經結咗婚娶咗老婆生咗仔，我已經冇希望㗎印象最深刻係有音樂室嗰幢樓要拆，（周杰倫）趕住要穿越時空嘅時候就彈得愈來愈快，終於可以畀佢穿梭時空去到桂綸鎂出現嘅年代，嗰一幕好深刻、好感動、好清新同好感人嘅愛情校園片！
張建聲：
梗係《逃學威龍》啦，因為裏面星爺嘅精湛演出影響咗好多我呢啲 80後好多！自己最鍾意第一集，嗰個粗糙感係非常之好睇！最深刻梗係佢畀人掛咗係學校門口，同埋掟粉擦，呢啲都好歷歷在目！
石詠莉：
我最喜歡校園片莫過於今年非常之 hit嘅《五個小孩的校長》，由幾個小朋友去演，同埋楊千嬅係我好喜歡嘅歌手，呢套戲正正可以道出一啲社會問題，其實由楊千嬅當初話要撇開一切，要做佢哋校長嘅時候，我已經覺得好感動！
陸永：
應該係《逃學威龍》，一路以來我嘅中學生活，打得最好關係都係同啲校工，而《逃學威龍》嘅達哥吳孟達就真係「嘩」，史上最好校工嘅典範，即係可以同你做任何喺學校唔應該做嘅嘢，真係好難忘一套戲嚟嘅！
龔慈恩：
我最鍾意嘅校園片梗係《五個小孩的校長》，第一自己有得參與，第二非常之有意義嘅電影。小朋友好得意，其實我有參與，真係認識嗰幾個小朋友，非常之 professional，有好多感覺都好真，同埋重點係套戲非常有意義！
林愷鈴：
我最鍾意嘅校園片係《那些年，我們一起追的女孩》，因為幾真實，而自己就特別鍾意放天燈嗰一幕，因為我同細佬真係去過攝影場地，嗰度真係好靚好有 feel，最後仲同媽咪去咗飲咖啡添！
另類選擇 街坊：《等一個人咖啡》好特別
街坊們各有各心水，至於票房之冠嘅《五個小孩的校長》同樣佔一席位，唔知續集幾時有得睇呢？
即時報料 facepop
熱線： 9222 0828
電郵：facenews@nextmedia.com
facebook： Face Magazine inbox
line、 we chat id： facemagazine
|
鍾意就快D Share啦！
|
|
|
