轉型演喜劇的吸血女姬絲汀史超域，拍住新晉喜劇王謝西艾辛堡主演的《特務傻的孖》，已於 8月尾美國上畫，至今在票房只收 550萬美元（約 4,200萬港元），荷里活電影來說，算是仆直。
西區
衰黑面人氣係咁跌 《吸血》女姬絲汀收火轉性
吸血女姬絲汀史超域（ Kristen Stewart）自 3年前拍完《吸血新世紀》系列後，人氣一直下跌，而且成日黑口黑面，觀眾見到佢都驚！
不過扮 cool多年的姬絲汀最近終於改變策略轉走喜劇路線，本週香港上畫的喜劇《特務傻的孖》（ American Ultra）中，姬絲汀拍住《社交網絡》男主角謝西艾辛堡（ Jesse Eisenberg）扮演烏龍特務搞笑。以前出名脾氣暴躁的姬絲汀，聽講在片場亦和順晒，就算拍戲被打崩鼻都毫無怨言，真係轉死性。
1.對於姬絲汀轉型演喜劇，男主角謝西艾辛堡點睇？
其實謝西艾辛堡早於 09年已與姬絲汀合演過電影《 Adventureland》，一早已好有默契，雖然外間不斷批評姬絲汀經常扮 cool又黑口黑面，但早前謝西卻在訪問中幫姬絲汀平反：「其實姬絲汀扮 cool只是幕前的形象，私底下她經常扮鬼扮馬好玩得，於《 American Ultra》中，她就將潛藏在體內的搞笑本能發揮出來，拍戲時見到她的傻樣，我都忍唔住笑出來。」
2.傳聞出名臭脾氣的姬絲汀已收晒火？
曾傳出姬絲汀拍成名作《吸血新世紀》系列期間，經常收到同片演員投訴她沒有禮貌，更不時在片場發脾氣連導演都鬧，但聽聞姬絲汀近年已收晒火。拍《特務傻的孖》時更變成「和順欖」乜都肯做。話說拍一場講她被毒打的戲時，不慎被打爆鼻更流鼻血，當時工作人員非常緊張上前替她止血，但她沒發脾氣不特只，還反過來安慰工作人員，叫他們不用擔心，之後還頂硬上完成整場戲。
3.最近姬絲汀轉口味鍾意女仔，堅定流？
姬絲汀感情生活出名豐富，早年拍《吸血新世紀》時曾與男主角 Robert Pattinson拍拖，但之後她因搭上《白雪公主之魔幻復仇記》導演 Rupert Sanders，最後同 Robert仔分手收場。不過近年她經常被影到跟女助手 Alicia Cargile態度親密，被懷疑轉了性取向。
最近姬絲汀在雜誌訪問中，自稱不會逃避：「你們可以用 Google搜尋到我的新聞，我不會隱瞞。不過我不會跟大家說『我出櫃』，因為我仍有工作在身。我相信未來 3至 4年會有更多人不會理會你是否同性戀或異性戀。」
《特務傻的孖》
上映日期： 9月 17日
撰文：何家文
|
鍾意就快D Share啦！
|
|
|
