| Super Girls為八蚊拗數反目面左左！ | next 1/1 pre |
 | |
| 呢一日，SG五女齊齊現身灣仔。 | next 1/1 pre |
 | |
| 沿途五女好少一齊行，都係分批咁行。 | next 1/1 pre |
 | |
| 行到去一間餐廳，總於可以開心食番餐。 | next 1/1 pre |
 | |
| 到咗埋單嗰陣就發覺少咗8蚊，因而拗數。 | next 1/1 pre |
 | |
| 而冇份食唔使夾錢嘅Cheronna就企喺出面玩電話。 | next 1/1 pre |
 | |
| 之後五女都係分到鬼咁開行去搭港鐵。 | next 1/1 pre |
 | |
| 等車時大家都唔係太講嘢有啲面左左。 | next 1/1 pre |
 | |
| 搭港鐵時都唔係好講嘢。 | next 1/1 pre |
 | |
| 大家都各有各玩電話或者發呆。 | next 1/1 pre |
 | |
| 有位坐都分開兩邊坐，完全零交流。 | next 1/1 pre |
 | |
| 最尾五女行街行到一間樂器舖，忍唔住玩番幾手。 | next 1/1 pre |
 | |
| 「冰山美人」Yanny就四圍行睇吓。 | next 1/1 pre |
 | |
| Jessica演番兩手琴。 | next 1/1 pre |
 | |
| Heidi都露番兩手結他。 | next 1/1 pre |
 | |
| 大家和好如初一齊有玩有笑咪好囉。 | next 1/1 pre |
 | |
| 左起Yanny、Cheronna、Aka、Jessica與Heidi。 | next 1/1 pre |
組合Super Girls（SG）近年人氣急升，五個女仔位位樣靚身材正，其中成員Heidi和Cheronna因拍攝無綫劇集《女人俱樂部》成功彈起兼入屋，而樣貌標致的五女亦緋聞多多，其中被封為「宅男女神」的Heidi曾與分屬余文樂好友的監製陳考威傳緋聞，而擁有一雙長腿的隊長Aka更被指介入鍾嘉欣與伍允龍的戀情！入行五年的SG愈撈愈掂，不但接Job接到手軟，更跨界拍電影，而最近又頻頻接廣告，簡直豬籠入水！雖然她們收入急升，但原來私底下是名副其實的慳妹，更慳到為了幾蚊雞而傷感情！
日前SG與女助手現身灣仔，當日她們完成工作後齊齊去醫肚，到一間茶餐廳食下午茶，未知是否太肚餓，多士、奶茶等美食一到，眾女即把「女神」兩字拋諸腦後，不顧儀態地大吃大喝。她們亦邊食邊傾，其中Heidi與Jessica雞啄唔斷，化身黐頭芒研究手機兼大講扮靚心得，十分老友！
舌戰十分鐘
食飽就係時候埋單，由於Cheronna沒有進食，故先一支箭衝出門口，成功避開一場「八蚊雞之戰」！另外四位成員就行去收銀櫃位付錢，但期間發現似乎計錯數，即不停問伙記和睇單，又拿手機計數，更聽到她們你一言我一語討論：「邊個畀少咗八蚊雞呀？」、「有冇計錯數呀？」、「邊有畀少到呀！究竟係邊個畀少咗呀？」眾女為了八蚊雞竟然塞住餐廳門口十分鐘，可見她們雖然賺到錢，但仍深明「慳得一蚊得一蚊」的道理！最後為了息事寧人，隊長Aka決定掏荷包畀多八蚊塞住大家把口！但正所謂講錢傷感情，大戰過後眾女明顯面色一沉兼嬲爆爆，更各有各行！
搭港鐵零交流
之後SG撇甩助手走去搭港鐵，但全程貌合神離，不論在月台候車，抑或在車廂搭車期間都各有各企兼毫無交流，並各自化身低頭族狂撳手機，全程表現勁生疏，不說還以為她們互不相識！之後五人在鰂魚涌站再會合助手，未知是否怕被助手發現她們突然Unfriend，五人即當沒事發生，並齊齊出發到太古一間樂器舖玩樂器！
SG將於11月舉行處女音樂會，為求突破，近月各自秘密練兵學樂器及跑步練氣，五女當日嬲爆爆走入琴行各自「搵食」，Heidi孖實隊長Aka及Cheronna睇結他，雖然她們為幾蚊搞到心裏「有條刺」，但講起結他時又和好如初，Cheronna主動向Heidi推介手上的結他，大讚平靚正，而Jessica則試晒琴行所有琴，有「冰山美人」稱號的Yanny就同女助手研究口琴。未知是否要趕返公司開會，逗留不足十五分鐘，女助手即捉她們離開並徒步返回公司，連搭車錢都慳番，沿途五女均各自各行，Cheronna再次化身「孤獨精」戴上耳機邊行邊聽歌。另外，SG近日不時在網誌上載素顏跑步練氣相，鬼馬的Yanny更試過利用面書新功能直播訓練過程，吸引二百歌迷留言大讚「索爆」。
|
鍾意就快D Share啦！
|
|
|
