免費電視預計明年開戰，但無綫近年流失率創新高，小生花旦逐個走！有傳無綫老闆陳國強曾出3,600萬高價挽留胡杏兒，比蕭定一的2,400萬還要多1,200萬，但杏兒最終仍選擇離開無綫往外闖，有傳此舉激嬲老闆，不但取消劇集《陪著你走》餘下的宣傳活動，並下令全面封殺她。昨日向杏兒了解此事，她說：「TVB有自己政策，呢個我明白亦理解，唔會介意。」
據悉杏兒簽約的新公司GME，已為她斟洽一部內地時裝劇，預計今年11月開拍，該劇每集約收25萬人民幣，共30集，即穩袋750萬人民幣，所以三年內要搵2,400萬絕非難事。對於傳杏兒被無綫封殺，GME的蕭定一謂：「呢個係佢同舊東家嘅事，我就唔想回應，我只會喺合約期內，努力去做好杏兒。等佢拍完部內地劇，明年就會安排電影畀佢拍。」
事實上，與一間合作了16年的公司結束合作關係，總有箇中原因，杏兒日前在尖沙嘴接受專訪時說：「呢個決定真係唔係易事，尤其係舊公司有新嘅發展，畀咗個新方案我去諗，但新老闆又真係好有誠意，我好感動佢好欣賞同賞識我，呢個係打動我嘅其中之一，最緊要我哋溝通得好好，大家個理念一致，呢啲比起個價錢係更加緊要。」
除了事業得意，杏兒與夜場老闆Phil更是打風都打唔甩，最近盛傳杏兒與Phil會在開新劇前拉埋天窗，近日四出找酒店擺酒，追問婚期，她甜笑說：「啱啱簽新公司，點都要盡吓責任，努力工作先。」不過有一點，杏兒想為男友澄清：「好多人成日覺得佢係夜場老闆，但佢只係有少少股份，佢嘅正職係做獵頭公司，做咗十幾年。其實今次決定（離巢）佢亦畀咗好多意見，男友佢成熟過我，大我好幾年，佢好清晰提點我嚟緊一步要點樣行，乜嘢方向同因素係最重要，等我再去諗同選擇，呢方面佢真係幫咗我好多，令我可以好理智做一啲選擇，好彩有佢。」
杏兒更說：「我係一個缺乏安全感嘅人，但又不甘於困喺一個框框，希望有新挑戰新同事，所以一定要有一個勇敢同畀我安心感覺嘅人，蕭生係其中一個畀到個呢個感覺我嘅人。」加盟新公司後的工作，杏兒說：「我唔會完全拍電影，我都係一個電視演員，電視劇都有好玩嘅地方，遲啲會返內地拍劇，呢個係一個幾好嘅劇本，電影方面交畀蕭生，但可能係明年嘅事。」
| (攝影：葉君海) |  杏兒不願意留在TVB，即傳被封殺。 |  |
 杏兒覺得不能死守一個框框，否則「咁就一世。」 |  |  |
|
鍾意就快D Share啦！
|
|
|