陳松伶進軍內衣生意，獲老公張鐸在金錢上和精神上的無限支持，不過松松也因為忙於打理生意而冷落丈夫，令她深感內疚，松松說：「我都唔好意思，做呢樣之後返屋企時間少咗，同佢見面時間又少咗，但一個咁正面嘅事情，佢都好鼓勵我全副精神去做。」問老公可有為此詐型？松松說：「有詐型㗎！所以我要爭取番啲時間陪佢，下個月佢生日，我點都要返去北京陪佢慶生。」
據悉松松與老公張鐸投資有道，早年在北京和上海等地都有投資物業，現已升值多倍。保守估計，松松現時身家逾3億港元。而半年前松松更一擲逾2,000萬元購入何文田豪宅雋瓏，名副其實的小富婆，對此松松笑說：「我喺香港買樓係畀屋企人住，自己返香港時又有個地方住啫。點都好，我𠵱家都係搭港鐵、搭巴士，喺街邊篤魚蛋同買雞蛋仔食，生活同一般人完全一樣。」
撰文：魯吉
|
鍾意就快D Share啦！
|
|
|
