安志杰（Andy）同Jessica C.（JC）因為拍電影《屍城》撻着，又經常公開大晒恩愛，話說今年7月中，Jessica去橫店拍內地劇《怒海紅塵》，開咗工個幾月先知自己有咗，搞到安志杰一拍完戲，即刻趕去橫店陪女友開工。
依家Jessica C.已經有3咗個幾月，大家都問緊佢地幾時拉埋天窗，安志杰就話快佢特別安排咗上個禮拜三同女友飛咗去馬爾代夫旅遊，佢喺嗰邊租咗個渡假村求婚，事前JC係唔知嘅，而喺16號，安志杰就叫酒店幫佢布置晒求婚場地，搭帳篷、點晒蠟燭，佈滿玫瑰花，ANDY喺晚餐後突然攞出戒指、鮮花，已令JC眼泛淚光，接著ANDY說出愛的承諾：「你可唔可以俾我照顧你一生一世！」JC感動得喊晒，而Andy都忍唔住激動心情，跟住流下男兒淚。今日安志杰接受訪問，佢話：「求婚成功好開心，嗰晚求婚，氣紛係So sweet、so happy！婚後我希望能盡男人責任，好好照顧老婆同Baby，我嘅家庭可以永遠幸福同開心。而JC就話：「我搵啱另一半，好開心，多謝大家關心。」
JC已經完成晒手頭上工作，佢會專心待產。等出年生完小孩，佢地會明年中返美國舉行婚禮，因佢地都喺美國長大，家人都喺嗰邊，所以婚禮唔會喺香港搞，只能請啲好朋友去美國觀禮。
兩人結緣於一套驚嚇電影，拍完戲之後先發展成情侶，Andy覺得JC個性爽朗，女方亦大讚男方係一個有責任感嘅男子，兩人情投意合。由於JSSICA有孕三個多月，兩人嘅婚宴最快都要明年，待BB出世後先舉行。兩人個性好夾，都係美籍華人，亦都見過雙方家長，求婚成功後，佢兩個已第一時間通知雙方家人，一對準新人會喺嗰邊玩到周三先會齊齊返香港。
而JC今日就喺微博放上手戴戒指嘅相留言話:「 I said yes! October,16 2015」仲附上微笑Icon，甜到漏。
|
鍾意就快D Share啦！
|
|
|
