切除卵巢改變荷爾蒙 40歲安琪蓮娜面對更年期：感到更踏實
2015-10-17 13:13:00
安琪蓮娜受訪大談切除乳房及卵巢，以及與畢佬的感情。
荷李活影星安琪蓮娜祖莉（Angelina Jolie）日前上咗《Vogue》雜誌封面，佢成家人包括老公畢彼特（Brad Pitt）都有為雜誌影靚相，一家人喺沙灘度跑以及坐住型格電單車擺chok甫，場面好溫馨。安琪蓮娜接受訪問大談與畢佬再度合作嘅新片《緣海假期》（By the Sea）以及早前進行切除乳房及卵巢防癌。
《緣海假期》係由安琪蓮娜自編自導自演，佢講笑話拍戲時個導演好專注，個女演員好唔穩定，編劇就好疑惑。故事內容講兩夫婦感情生變，問佢係咪影射佢同畢佬，佢話：「部戲唔係講我哋，雖然我哋之間都有問題，但係如果部戲係講我哋，我哋一開始就唔會拍。作為演員想跳出安全範圍，做個好raw嘅演員。」
談及切除乳房及卵巢，安琪蓮娜話係為部電影做後期製作時進行：「我希望我媽媽當初有呢個選擇。個手術係好殘忍，好困難。雖然卵巢手術容易，但係面對荷爾蒙改變係.....好有趣。我哋嗰陣講笑話星期一做電影剪接，星期二做手術，星期三進入更年期。」
至於面對更年期，40歲安琪蓮娜話感到更加踏實，「我家中兩位女性，包括我媽媽及婆婆，40歲時已經開始死亡。我現在40歲，我知道我一定可以活到50歲，急不及待等50歲來臨。」
|
鍾意就快D Share啦！
|
|
|
