木村拓哉2006年首次主演電影《武士的一分》，當時刷新票房紀錄，相隔近十年，木村再次接拍古裝戲《無限之住人》，並且首次同著名導演三池崇史合作。
《無限之住人》改編自沙村廣明經典漫畫原著，講述不死武士萬次，為咗父母被殺嘅少女向劍客復仇。作品之前被改編成為動畫，不過因為主角擁有不死身，所以一直好難搵人拍成電影。當三池崇史一開始要拍呢個劇本時，已經決定要搵木村拓哉做男主角，因為佢紅足二十年，某程度上就係不死身，所以指定要佢演出。電影暫定喺2017年上映，木村同導演見面時，仲話會以康城影展為目標，希望可以參展。其實三池崇史一向係影展常客，話唔定可以令木村登上康城影帝之位！
- 《武士的一分》
