上月27日，為李家陀緊第4個金叵籮嘅徐子淇，半夜十一點半突然報喜——係預告式報喜，話自己生得喇(Ready to POP!)，又分享準備再為人母嘅心聲，佢話:「好開心，喺製造一個小朋友過程我很開心，見到肚慢慢大係一個奇蹟，兩個身體喺同一肌膚之下，做媽媽係一個好值得嘅經驗，母親的愛是沒有其他愛可以比得上。」
之前徐子淇都係喺仁安醫院生，據知今次第四胎都係。今日李太真係報喜，話已經生咗喇!方才佢仲喺ig貼圖，疑似三位小朋友嘅腳，分別寫上07、09、2011同2015，寫住Baby Arrived。因為囝囝剛出世，所以囝囝就用一對鞋仔代表。
8年抱四，湊成兩個「好」字，恭喜恭喜！
