2015年10月6日星期二

傅嘉莉：只驚對方唔覺摸到嘢傅嘉莉,

【新劇被施暴又鏈屁股】傅嘉莉：只驚對方唔覺摸到嘢

2015-10-06 16:10:00

（攝影：沈健程）

陳展鵬、傅嘉莉同陳志健今日喺新城宣傳劇集《張保仔》，提到劇情中黃嘉樂向傅嘉莉施暴，傅嘉莉就話係大膽嘗試:「如果扯爛衫多啲效果會勁啲，拍嘅時候叫嘉樂放心，我只驚對方摸完唔覺摸到嘢。另外啲劇情我被鏈屁股，啲人問係咪真係我，係真架，但我係著左六件衫嘅。」

另外，戲中都有好多打鬥場面，陳志健話有幾幕幾驚險:「有幕陳展鵬要吊威也，跨過我頭再要勾腳。」陳展鵬稱難度甚高話:「要拎到重心，要打中個位。騎馬都難，傅嘉莉要從後攬住我，但又要顧住打戲。」而傅嘉莉指陳展鵬揮劍打鬥，自己誤中隻腳被打瘀。