夏蕙姨否認整容：如假包換
一向被盛傳是「變臉女王」的82歲黃夏蕙關心時事，亦有留意Baby在內地鑑證新聞，自稱身上只有假髮及眼睫毛是假的，她聲言從未整容，不過心思思想整容：「我如假包換，見皮膚鬆弛，想拉吓面皮，又想整高鼻樑及下巴。」
夏蕙姨昨日到尖沙嘴一間醫學美容中心詢問醫生意見，其間醫生有用手及尺檢查她面部及進行評估，夏蕙姨笑言：「樣樣都想整，又再打走笑紋、眼紋，鼻再整高啲靚啲。」醫生對夏蕙姨的評估：「鼻就夠高，唔使整，有啲儀器係可以刺激骨膠原增生，不過佢年紀唔適合，應該冇效。」對於整容界定，醫生表示：「𠵱家好多技術有微整容，微整容好多針藥，鼻樑都未必需要開刀，打透明質酸都OK，可以維持一年半年，不過𠵱家有啲人貪心打過量，打得太多陽光下會睇到透明。」
採訪：楊定
攝影：陳志嵐
■自稱從未整容的夏蕙姨，被醫生揑鼻。
|
鍾意就快D Share啦！
|
|
|