掃呢頁CODE去手機

2015年10月3日 星期六

醉駕DaDa續保 男友趙勁皓:生性啲 趙勁皓,陳靜,DaDa,





其他影片:>>






盧頌之(Da Da)七月尾醉駕出事,被經理人公司嫌棄,呢段時間多得男友趙勁皓(阿King)喺身邊不離不棄表示:「今次件事佢一個未必能夠面對到,盡自己能力幫到幾多就幾多。」

Da Da一向貪玩,所以佢出事後,一度傳出同阿King分手嘅消息,但日前見佢獲男方陪同到荃灣警署報到,兼辦理續保手續,逗留半個鐘左右離開,以行動表示支持。

其實Da Da出事之後都知大鑊:「今次嚟係續保,暫時未知charge咩罪,都有少少擔心,而家主力work out緊,操fit番自己。件事係一個經歷,一定唔會再犯。」

女朋友承諾唔會再犯,不過阿King始終都有擔心,希望對方再生性啲:「我會支持佢,睇吓未來(官司)發展係點,希望佢好,個人可以生性啲。」阿King開到聲,希望Da Da真係唔好再咁貪玩,對自己人生,同愛佢嘅人負責任喇!
鍾意就快D Share啦!