| 祥嫂怒轟三名親生仔女，不過佢話鄧兆榮除外。 | next 1/1 pre |
 | |
| 祥嫂受訪時表現激動，力指金錢萬惡，仲話啲仔女害過佢，所以要防。 | next 1/1 pre |
 | |
| 祥嫂聲言要公開挑戰仔女。 | next 1/1 pre |
 | |
| 祥嫂講講吓仲爆咗一句：我有生過咩？ | next 1/1 pre |
 | |
| 佢仲話啲仔女虐老。 | next 1/1 pre |
 | |
| 祥嫂力斥鄧小艾（左）有事鍾無艷，冇事就話佢勾佬。 | next 1/1 pre |
 | |
| 祥嫂另一名涉事親生女兒鄧碧玉。（資料圖片） | next 1/1 pre |
 | |
| 左為鄧兆榮 | next 1/1 pre |
豪門再爆恩怨！洪金梅（祥嫂）過往曾與仔女鄧兆尊、鄧兆榮、鄧翠玉（小艾）及鄧碧玉發生轟動全港的爭拗事件，後來彼此化干戈為玉帛，雙方和好如初，但近日突然又平地一聲雷，祥嫂與仔女再傳不和，她一度質問：「係咪謀我死呀？」更聲言要公開挑戰仔女。
「做乜要分？我都未死」
爆去年被要求簽授權書：想標我尾會？
祥嫂表示去年仔女曾求見，但被她拒諸門外，被問是否有人想分家產？她說：「做乜要分？我都未死！點都要食飯，係咪謀我死呀？（仔女想你分？）唔好騷擾我呀！舊年臨過年前14日，除咗兆榮冇份外，3個仔女嚟到我大宅等我，要我簽文件，係啲授權書，我驚呀？！係咪想標我尾會？起我尾注？害過我喎，我要防呀！（覺得親生仔不如近身錢？）前人係咁講，我要今晚返去諗吓先再答你，金錢係萬惡嘅！我已經好少出嚟見大家，就係怕你哋係又問，唔係又問，我啲瘡疤已經好番，你哋又揭起啲焦！」
「我有生過咩？」
祥嫂坦言已與仔女不見多時，她說：「去年至今冇見佢哋，仔女？我有生過咩？我都忍辱負重咁耐，唔講就係唔想糟蹋鄧永祥嘅名聲，忍辱18年，忍到滿身病痛，佢哋想點呀？係咪虐老呀？我唔係怕邊個，更加唔會怕我所出嘅，夠膽就出嚟，我公開挑戰佢哋！」
斥鄧小艾有事鍾無艷
祥嫂聽到鄧小艾對外宣稱對她服侍周到，她即說：「服侍我乜嘢呀？我行得企得，佢有事鍾無艷，冇事就話我勾佬，令我好勞氣。」
|
鍾意就快D Share啦！
|
|
|