【太陽報專訊】Rock妹盧凱彤（Ellen）患上躁鬱症康復後首次開騷，在演唱會期間在三千人面前大膽剃頭，獲一眾好友大讚夠激兼勇敢！受訪時更表示患病後不會再在乎別人眼光，稍後更會移居台灣，享受慢活的節奏。 文：音樂組 攝：吳文聰
歌手盧凱彤前晚於九展舉行《Rockmui 29Live in HK》演唱會，獲一眾圈中好友包括何韻詩、黃耀明、周國賢、方大同、藍奕邦和林二汶等撐場。Ellen先以全黑造型登場大騷琴技兼大彈結他，唱出一連串Rock歌後，突然跪在巨型鏡前，取出電髮剷在眾人面前親手將菇頭剷成Skinhead，掀起全晚高潮！其後換上一襲大露背衫上台，露出背部和手臂的紋身，落力為歌迷獻唱。
27歲寫下遺作
曾患上躁鬱症的Ellen在台上有感而發：「呢兩年我休息咗一排，都係喺屋企休息，思想上去咗一個好遠嘅地方，得我一個好寂寞，今日我返嚟喇！好開心！」其後還自爆在27歲時寫下遺作，回想當時的舉動很傻，並感激大家過去兩年的支持。
接受後台訪問兼小型慶功宴時，Ellen被問到為何如此大膽當眾剃頭？她坦言一直都想剷Skinhead：「作為一個女Rocker點都要剃一次頭，以前好在乎別人眼光，尤其係香港做呢啲行為實畀人覺得好怪。」加上患上躁鬱症後已不會在乎別人的眼光，最重要是自己的生命。
Ellen又表示決定移居台灣並已租了屋，享受慢活的節奏，但如香港有工作都會回港，還會叫好友兼剛出爐的影后林嘉欣請食飯。
林二汶讚叻女
另外，對於Ellen即場剃頭，身為恩師的黃耀明讚Ellen不只是剃頭大膽：「用黑暗音樂形式帶大家去好黑暗嘅地方，同大家分享佢經歷過嘅事。」曾患有情緒病出走加拿大的周國賢則大讚對方有勇氣面對，更相信Ellen可以過理想的生活。至於好姊妹兼前組合at17拍檔林二汶就大讚Ellen叻女：「令我諗起佢14、15歲曾經講過大個要成為一個Rocker同剃頭，佢終於做到，不過有啲肉赤，因為要經歷咁痛苦嘅病先做到，感動到眼濕濕。」
相關新聞
|
鍾意就快D Share啦！
|
|
|