| 交警因花車車隊阻路，於是將車隊截停兼抄牌。（網民Eddy Wong圖片） | next 1/1 pre |
大家總覺得警察對花車特別寬鬆，因為有個都市傳說指：如果警察向花車抄牌，壞人好事會折福兼衰三年，為免做損人不利己的事，警察一般都會對花車「隻眼開隻眼閉」。不過昨日有網民上傳照片，指有一行六輛花車因慢駛拍照，造成交通擠塞，結果交警出手抄牌，「大日子都冇面畀」！
網民Eddy Wong在facebook專頁「香港公路奇觀」發貼稱，在觀塘繞道有新人和一班兄姊姊團為了拍照，一行六輛汽車慢駛。到了觀塘繞道轉線往將軍澳隧道的分叉位置，車隊更平排並行，繼續慢駛，阻礙後面眾多車輛行駛，交警於是出手，指示涉事車隊靠邊停下兼抄牌。
事件被放上網後，有人認為新人沒有公德心，「全香港咁多人大日子條路咪好唔得閒？」，又批評他們不注意安全，警察出手反而是拯救了對方，否則可能紅事變白事。不過亦有人替涉事新人感到「陰公」，表示一定很掃興。另有人就揶揄「大日子出大事」，新人會否在婚宴上播出該段「全日最精彩」的短片來娛賓。
新娘花車早上被「炒牌」，晚上即「炒車」！今日凌晨二時許，該輛花車由姓杜（卅八歲）男司機載着一名女子返家時，沿土瓜灣下鄉道途至落山道交界，與一輛寶馬四驅車相撞，四驅車再失控撼向停泊路邊的貨車尾部。意外中，杜受傷需送院，警方正調查意外原因。
網民有話說
Hammer Tsui：大日子就要將就？畀你喺中線停車洞埋房好唔好？
默生人：唔緊要啦下次再婚小心啲囉！
Leo Yu：年年都有今日，歲歲都有今朝！恭喜恭喜！
Josie Tang：令人難忘的一天
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
