九華徑發生恐怖斬人血案，事件中險遭劈死的86歲陳婆婆目前已出院，她頭部被斬中一刀，右眼角明顯瘀腫，幸而家中印傭捨命相救才逃過一劫，她晚上接受《蘋果》訪問時，衷心的說：「好彩個工人咋，如果唔係，我被佢殺死咗喇！……真係好多謝佢！」
陳婆婆憶述事發過程仍猶有餘悸，更一度表示：「我個心跳得好犀利，唔講喇！」原來事發時只有婆婆和印傭在家，她正在房內準備午睡，不料疑犯突然到來狂拍門，印傭開門見到疑犯為湯伯，就不斷問他：「做咩呀？做咩呀？」但他沒有回答。
其後疑犯逕自遂個房間去睇，婆婆憶述：「我就問佢咩事呀湯生(疑犯)，跟住佢拿起個斧頭想劈我，我就猛問佢咩事呀？咩事呀？佢又唔答我，係咁劈係咁劈，連度門都被佢劈爛埋！」此時，幸得工人撲上前，並踢疑犯下體，「個工人撐住，推佢落梳化同佢搏鬥。」婆婆表示，疑犯跌倒梳化後，印傭按着斧頭不讓疑犯反擊，讓婆婆有時間逃跑，然後印傭亦拼命逃出屋外。
對於疑犯的這次反常行為，陳婆婆感到摸不着頭腦，二人一直為鄰居相識數十載，一直相安無事，從無發生過爭執：「平時傾偈就冇乜嘢！」
至晚上，疑犯的兒子偕太太走到陳婆婆家道歉，婆婆的媳婦直言：「唔會怪佢，大家都唔想嘅！」
想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|