| 金燕玲（右）表示當初為生活而接受阿蘇的追求，但最後都被對方感動。 | next 1/1 pre |
 | |
| 金燕玲（左）與黎燕珊分享兩段婚姻失敗的慘痛經歷。 | next 1/1 pre |
 | |
| 金燕玲（右）、黎燕珊 | next 1/1 pre |
藝人金燕玲日前現身有線節目《往事．並不如煙》，與主持人黎燕珊分享兩段婚姻失敗的慘痛經歷，更首度剖白與蘇施黃（阿蘇）的同性戀情。她強調並非因婚姻挫折而轉變性向，坦承當初只為現實生活而接受阿蘇的追求：「佢同我講鍾意我，要追我，佢可以無條件安排住嘅地方畀我，我心諗咩人嚟㗎？我都唔係鍾意女人嘅，但好現實，我的確需要有人照顧我。」
金燕玲坦言接受同性感情的心理關口很大：「我好介意人點睇我，我從來無諗過最後會同一個女人一齊，但阿蘇感動咗我，我衷心想講，錫你嘅人，無論係方、圓、黑定白，都係無分別。」
曾墮胎兩次
從小渴望結婚生子，金燕玲十九歲時便與第一任丈夫拍拖，二十一歲結婚定居英國，她說：「臨結婚前我發現自己有咗BB，但佢唔想要，我唔想畀人覺得用大肚迫佢結婚，於是落咗佢。」婚後再次懷孕，金燕玲卻再度墮胎：「因為我覺得佢並唔想要，依家諗番覺得好彩無生，唔係就對唔住呢兩個小朋友。」
意外懷孕再婚 老公有外遇
結束第一段婚姻後，金燕玲在三十六歲時意外懷孕，決定再婚並再定居英國，可惜第二段婚姻同樣出現問題，她表示：「我專心湊小朋友，無人幫自己，搞到精神好緊張，自然愈來愈醜樣，於是就發現佢有外遇，我當時就快五十歲，可以走去邊？」最後金燕玲主動提出離婚，她憶起離婚後的徬徨心情更忍不住嗚咽：「我每晚都要飲酒同食安眠藥先瞓得着，好彩我囡囡好生性，鼓勵我離開英國返香港工作。」
|
鍾意就快D Share啦！
|
|
|