掃呢頁CODE去手機

2015年11月3日 星期二

陳茵薇又有咗 三年抱三好生養 娛樂圈最生得女星大比拼



近排俾網民封為「人生贏家」嘅陳茵薇喺噚日出席活動嘅時候,承認又懷孕三個月,雖然而家個肚都仲未係好明顯,但係陳茵薇就已經好開心咁講「有三個已經晒數!」。不過喺娛樂圈除陳茵薇生力驚人之外,仲有好多女明星都好有生養架!

徐子淇

身為「千億新抱」嘅徐子淇,傳宗接代當然係嘅天職今個月不負眾望又再宣布誕下麟兒,已經8年抱四,湊成兩個好字。搞到四叔要係九年6000萬利是,因為新抱懷孕,就連公司嘅1500名員工都派每人一萬蚊利是。如果我係徐子淇,我就會生一打益街坊。

徐淑敏

本來被人叫做咪神嘅徐淑敏(Suki)而家已經開始俾人叫做「媽媽咪」,因為由結婚到而家已經有三個女,但係有消息指其實一向都恨追仔,所以大家可以肯定一定會再有

徐熙娣

同徐子淇一樣嫁入豪門嘅徐熙娣(小S),由2005年結婚開始到而家已經生3個女。唔知會唔會同徐淑敏一樣想追個仔呢?不過老公經常都惹官非,唔知又得唔得閒追呢?

蔣麗莎

46嘅陳浩民啱啱喺社交網上載張一家人慶祝生日嘅相,仲留言:「生日快樂順順利利健健康康快快樂樂…愛你。」原來係咁個月老婆蔣麗莎已經懷有第4胎,意思係陳浩民下年又會再做爸爸。佢哋2011年結婚後到而家已經有兩女一子,而家又再多一個仔,唔怪得網民都讚好生得。

鍾意就快D Share啦!