掃呢頁CODE去手機

2015年12月10日 星期四

唔續約入雪櫃 唐詩詠做凍肉 [壹週刊 - 1344] __,唐詩詠,M1,

探熱針唔續約入雪櫃 唐詩詠做凍肉無綫變天,連老臣子陳國邦亦意興闌珊,加上余詠珊在大台隻手遮天,非我族類一概投閒置散,當中包括唐詩詠。無高層撐,加上唐詩詠見勢色唔對,留响大台根本無前途,索性連約都唔續,卒之俾公司放入大雪櫃急凍。機會滿瀉余詠珊獨大,旗下愛將洪永城、黃翠如等機會一個接一個,其他非黨羽藝人,唔恨得咁多。「梗係關照自己人先啦,Sandy(余詠珊)而家個勢咁勁,佢班愛將做乜都得,Tony(洪 ...


探熱針

唔續約入雪櫃 唐詩詠做凍肉

無綫變天,連老臣子陳國邦亦意興闌珊,加上余詠珊在大台隻手遮天,非我族類一概投閒置散,當中包括唐詩詠。

無高層撐,加上唐詩詠見勢色唔對,留响大台根本無前途,索性連約都唔續,卒之俾公司放入大雪櫃急凍。

機會滿瀉

余詠珊獨大,旗下愛將洪永城、黃翠如等機會一個接一個,其他非黨羽藝人,唔恨得咁多。

「梗係關照自己人先啦, Sandy(余詠珊)而家個勢咁勁,佢班愛將做乜都得, Tony(洪永城)同翠如 BB今年拍劇拍到冇停手,機會多到瀉,仲有衞志豪、陸浩明、區永權,直頭俾個節目佢哋做,嘉賓仲要全部係大星,唔係佢旗下班人,根本冇運行。」有無綫工作人員透露。

被公司雪藏的唐詩詠,閒時會去學畫畫,陶冶性情,令自己心情好一點。

被投閒置散的唐詩詠已半年冇劇開,最近被安排拍《廉政行動 2016》五集短劇。

做海外宣傳

「余黨」橫行,非黨羽的藝人亦無意留低,眼見花旦小生逐個走,大台於是提早向旗下藝人施壓續約,唔肯加簽者,一律入雪櫃,唐詩詠便是其中一個。

「見到咁多人走,公司唔想到時冇晒人,就算班藝人仲有兩、三年約,都搵佢哋傾續約。唐詩詠出年約滿,公司年頭已經叫佢再續,但 Natalie(唐詩詠)一直拖,直到年中拍完《公公出宮》公司再搵佢傾, Natalie話要考慮多陣,因為咁就俾人掟咗入雪櫃,半年冇劇拍,只係掟佢做海外宣傳活動,或者做吓綜藝節目嘉賓。」知情人說。

在《廉》劇中,唐詩詠的主要對手是李霖恩。拍攝當晚,兩人還與工作人員在旺角消夜,相處融洽。

自從今年年中拍完《當鐵馬遇上戰車》及《公公出宮》後,唐詩詠便冇劇開。

冇監製重用

一○年,唐詩詠憑劇集《鐵馬尋橋》中阿雁一角,奪得《萬千星輝頒獎典禮》的「飛躍進步女藝員獎」,同年與無綫續約五年,但唐詩詠未有受到公司力捧,明年便約滿的她,已決定向外闖。「拎完個飛躍進步獎後,唐詩詠除咗一二年喺《神探高倫布》一人分飾兩角做女一,根本冇其他發揮機會,加上恩師李添勝走埋,冇監製肯重用佢, Natalie都三十四歲,唔想再係咁落去,就算未搵到公司,做吓自由身都好,況且耐不耐都有電影搵佢拍,唔怕冇嘢做。」唐詩詠身邊友人說。

台慶當日,唐詩詠幸運地抽得二獎,全台藝人起哄,並夾硬推洪永城到她身旁,令這對小情人尷尬不已。

入行七年的唐詩詠於 10年得到飛躍進步獎,激動得哭成淚人,獲獎後便與無綫續約五年。

半年來,無綫多數安排唐詩詠到海外為公司做宣傳活動,如澳洲、馬來西亞及新加坡等地。

黃翠如

余詠珊愛將之一的黃翠如,今年除拍了《師奶 Madam》及《愛•回家》外,還主持多個節目,受捧程度可見一斑。

《愛•回家》

《師奶 Madam》

《 Do姐去 Shopping》

洪永城

同黃翠如一樣備受力捧的洪永城,今年拍了多部電視劇集,而且還主持唔少節目,在公司力捧下,他的人氣及知名度連升三級!

《波士早晨》

《實習天使》

《張保仔》

御用「姦」角

近年唐詩詠由女一跌番落二、三線,戲份愈來愈少,甚至套套劇都要俾人「姦」,留低大台,根本冇運行。

《鐵馬尋橋》

在劇中飾演柔弱阿雁,經常被欺負,最後更被李天翔強姦,唐詩詠拍此幕強姦戲時,因為榻榻米移位,令腳部受傷。

《神探高倫布》

一人分飾兩角,並在劇中遭敖嘉年強姦,演技獲網民大讚,甚至在台慶頒獎禮有份角逐視后,但之後作品無以為繼,更由女一變女三。

《梟雄》

戲份不多,不過唐詩詠繼續要被飲醉酒的湯鎮業強姦,「強姦初哥」湯鎮業靠飲酒壯膽,反而有晒經驗的唐詩詠要為他心理輔導,結果一 take過拍完。

撰文、攝影、攝錄:娛樂組


鍾意就快D Share啦!