掃呢頁CODE去手機

2015年12月28日 星期一

【爆相爆片】甜蜜外遊分開返港 謝婷婷老外新歡曝光 __,謝婷婷,婷婷,

謝婷婷同攝影師戴尚安嘅戀情未夠一年已玩完,去年11月男方搶先喺社交網公告分手,回復單身嘅婷婷孔雀開屏,身邊男伴車輪轉,雖然上月被影到同老外去金鐘睇戲,但婷婷嘅真命天子原來另有其人!噚日讀者C小姐透過本報「爆相爆料」,分享婷婷同鬍鬚鬼佬新歡A貨英超球星禾確特(TheoWalcott)到河內過完聖誕,喺BoxingDay拍拖返港嘅相片。C小姐接受電話訪問表示:「5點幾喺河內機場,見到佢哋喺香港航空辦c ...




其他影片:>>






謝婷婷同攝影師戴尚安嘅戀情未夠一年已玩完,去年11月男方搶先喺社交網公告分手,回復單身嘅婷婷孔雀開屏,身邊男伴車輪轉,雖然上月被影到同老外去金鐘睇戲,但婷婷嘅真命天子原來另有其人!噚日讀者C小姐透過本報「爆相爆料」,分享婷婷同鬍鬚鬼佬新歡A貨英超球星禾確特(Theo Walcott)到河內過完聖誕,喺Boxing Day拍拖返港嘅相片。C小姐接受電話訪問表示:「5點幾喺河內機場,見到佢哋喺香港航空辦check in,一齊坐經濟客位,佢哋等到最後先上機,機上係三人座位,佢哋坐第一行,婷婷坐窗口位,鬼佬坐路邊位,中間個位就留空,可能驚人知,婷婷好避忌,一上飛機就戴口罩,返到香港等行李又分開企,不過鬼佬好有風度,幫佢擺行李同攞行李。」本報記者噚晚趕到機場守候,婷婷同「鬚根禾確特」乘搭嘅HX529班機,喺晚上約8點40分抵港,45分鐘後婷婷才姍姍由B閘步出,助手接過佢嘅行李,婷婷一馬當先行去A閘,仲使出蛇形箭步嘅腳法,刻意同鬼佬新歡相距成條街咁遠,扮到完全唔識咁款,以為可以呃到人,可惜棋差一着,「鬚根禾確特」由婷婷嘅助手陪住行去停車場,已經出賣咗佢哋嘅親密關係。警覺性甚高嘅婷婷,邊行邊傾電話,行行吓又停低面向玻璃不停㩒手機,搞咗一大輪才去停車場,一個箭步上車孖新歡返灣仔嘅香閨度春宵。

喺河內機場佢哋就完全冇戒心,一齊check-in(讀者提供圖片) (讀者提供圖片)
婷婷的老外新歡,一到港好識做,扮唔識婷婷咁 (攝影:吳耀輝、潘冠恩、朱志聰、黃曉程) 婷婷就成日「柄」埋一邊 婷婷十分驚覺,喺香港機場戴晒口罩

鍾意就快D Share啦!