掃呢頁CODE去手機

2015年12月28日 星期一

蜜遊越南 慳坐廉航 婷婷拖A貨禾確特返香閨 __,婷婷,

戀愛大過天的謝霆鋒胞妹謝婷婷,入行多年戀事停不了,自從跟舊愛安志杰結束四年情後,去年火速戀上名媛李桂蘭的混血兒子戴尚安,但拍拖未夠一年已玩完,戴尚安搶先在社交網公告分手,被狠飛的婷婷回復單身後孔雀開屏,身邊男伴車輪轉,雖然上月被影到跟老外三人行去金鐘睇戲,但婷婷的真命天子原來另有其人!前日讀者C小姐透過本報「爆相爆料」,分享婷婷跟鬼佬新歡到河內慶祝聖誕後,於BoxingDay拍拖返港的相片。婷婷雖 ...




其他影片:>>






戀愛大過天的謝霆鋒胞妹謝婷婷,入行多年戀事停不了,自從跟舊愛安志杰結束四年情後,去年火速戀上名媛李桂蘭的混血兒子戴尚安,但拍拖未夠一年已玩完,戴尚安搶先在社交網公告分手,被狠飛的婷婷回復單身後孔雀開屏,身邊男伴車輪轉,雖然上月被影到跟老外三人行去金鐘睇戲,但婷婷的真命天子原來另有其人!前日讀者C小姐透過本報「爆相爆料」,分享婷婷跟鬼佬新歡到河內慶祝聖誕後,於Boxing Day拍拖返港的相片。婷婷雖是藝人又是霆鋒妹妹,但她卻選擇搭廉航香港航空返港,讀者C小姐昨日接受電話訪問表示:「噚日5點幾喺河內機場,見到佢哋喺香港航空check in,一齊坐經濟客位,佢哋等到最後先上機,機上係三人座位,佢哋坐第一行,婷婷坐窗口位,鬼佬坐路邊位,中間個位就留空,可能驚人知,婷婷好避忌,一上飛機就戴口罩,返到香港等行李又分開企,不過鬼佬好有風度,幫佢攞行李。」本報記者前晚趕到機場守候,婷婷跟鬼佬新歡乘搭的HX529航班,於晚上約8時40分抵港,45分鐘後婷婷才姍姍由B閘步出,接機的女助手幫她推行李,婷婷一馬當先行去A閘,還使出蛇形箭步的腳法,刻意拋離身後的鬼佬新歡成條街般遠,兩人扮到完全不認識的陌生人,以為可以呃到人,可惜棋差一着,鬼佬由婷婷的助手陪同行去停車場,已經出賣了兩人的親密關係。婷婷的鬼佬新歡年約30歲,樣子似英超球星阿仙奴的翼鋒禾確特,滿面鬚根男人味十足,這位「鬚根禾確特」戴cap帽孭背囊,着白衫襯淺藍裇衫及黑褲,凸出一個小肚腩,跟婷婷差不多高,佬味十足。而警覺性甚高的婷婷,出閘後邊行邊傾電話,行到一半又突然停低面向玻璃,不停㩒手機,搞了一大輪才去停車場,一個箭步上車孖新歡返灣仔的香閨。昨日記者聯絡婷婷問到跟「鬚根禾確特」齊齊返港,她透過助手回應:「一大班朋友參加婚禮。」

(讀者提供圖片) 婷婷前日孖「A貨禾確特」由河內搭廉航返港,結束甜蜜聖誕之旅。(讀者提供圖片) 婷婷和「A貨禾確特」孖住check in,身在外地的婷婷戒心大減。(讀者提供圖片)
婷婷的新歡樣子甚似英超阿仙奴的翼鋒禾確特。(讀者提供圖片) 兩人返港後分開出閘,「A貨禾確特」自己推行李出閘。(讀者提供圖片) 婷婷抵港後戴口罩出閘,使出蛇形箭步拋離男友,扮到互不認識。(讀者提供圖片)

鍾意就快D Share啦!