掃呢頁CODE去手機

2015年12月30日 星期三

陪完超蓮食飯 霍啟山夜晚拖台妹蒲中環 __,霍啟山,何超蓮,超蓮,

做得霍家公子,32歲嘅霍啟山梗係忙啦!唔係忙做嘢,而係忙湊女!事關有人喺今個月27號,見到霍啟山同超蓮一齊喺廣州食晏晝。轉過頭,霍啟山就俾《壹》仔見到佢同三個長髮台妹夜蒲中環新場。班囡囡仲車輪轉咁服侍霍啟山,認真識嘆!當晚三個靚女好主動架,車輪轉咁撩霍啟山傾偈,不過食慣好嘢嘅佢,今晚就算有美相伴,都不為所動,淨係掛住玩電話、覆短訊。唔知係咪同身在廣州嘅超蓮Whatsapp緊呢?有位台妹不甘被冷落, ...






其他影片:>>






做得霍家公子,32歲嘅霍啟山梗係忙啦! 唔係忙做嘢,而係忙湊女! 事關有人喺今個月27號,見到霍啟山同超蓮一齊喺廣州食晏晝。轉過頭,霍啟山就俾《壹》仔見到佢同三個長髮台妹夜蒲中環新場。班囡囡仲車輪轉咁服侍霍啟山,認真識嘆!

當晚三個靚女好主動架,車輪轉咁撩霍啟山傾偈,不過食慣好嘢嘅佢,今晚就算有美相伴,都不為所動,淨係掛住玩電話、覆短訊。唔知係咪同身在廣州嘅超蓮Whatsapp緊呢?

有位台妹不甘被冷落,於是除低外套,露出黑色小背心,一副戰鬥格咁,但係都敵唔過坐係對面位、著住閃片衫、有幾分似林心如嘅同鄉。事關霍啟山唔撳電話嗰陣,就會主力同佢眉來眼去,傾多兩句。至於另外兩個台妹,霍公子真係好少理。

一行六人大約食咗兩個鐘,霍啟山望下錶,決定唔轉場,埋單上車走人。三個台妹食白果無癮,唯有扁嘴各有各撇啦。

鍾意就快D Share啦!