「離地」劉鳴煒，其實係真‧離地，定係扮‧離地？佢嘅背景同講嘅嘢堅離地，但生活又好貼地。搭地鐵都要出po話俾人知，生B要揀公立醫院。正如一個特首小圈子選舉期間，明明支持唐營的人，之後變為梁營仲成為其fb頭號fans咁滯，逢po必like。是真‧心撐，定係乜乜乜？都係一個謎。相較而言，劉鳴煒的感情生活，就冇咁難明。21歲就早婚，同佢喺英國大學同學Wendy結婚，誕下一對龍鳳胎，婚後9年、即2010年離婚；第二年即有新女，年約三十上下，打扮樸素，樣子亦平凡，仲為咗佢生咗兩個仔，惜仍分手收場。早前本報曾披露，劉鳴煒0依家有拖拍㗎，係一個長髮嘅專業人士，讚佢對眼生得好靚嘅港女冇行喇，因為個market已被「封盤」。原來這位新歡，是來自摩根大通任客戶投資組合經理嘅金融界之花Estella。兩人去年中撻著。今日有周刊報道指，劉鳴煒為保護戀情，唔住豪宅，寧願搬去400呎單位——400呎對普通市民如你我已是天堂，但對劉鳴煒而言，有豪宅唔住住咁細嘅舊樓，係叫做「為愛情犧牲」。係嘅，猶記得劉鳴煒上《我係乜乜乜》嗰陣，說了一句由衷之言:「港女真係好現實」，對生活、對女伴的要求，劉鳴煒已經講到出口。講番Estella。周刊報道指，Estella本任職摩根大通負責投資管理，職位係客戶投資組合經理，與劉鳴煒去年於飯局認識。Estella為人健談進取又靚女，劉鳴煒對之留下印象，未幾就開始單獨約會拍拖拖。不過家陣佢哋唔係同居，只係劉鳴煒唔想戀情曝光，又知道如果女友出入其幾千呎半山豪宅「豪園」好易俾傳媒影到，所以搬去跑馬地嘉樂居嘅400呎單位，Estella得閒上嚟撐枱腳，劉鳴煒亦會親自下廚，so sweet!
|
鍾意就快D Share啦！
|
|
|
