講身份戥子渝唔抵 河國榮：我係香港人
港人愛張國榮，但來自澳洲、現年50歲的河國榮卻超愛港人，他87年發歌星夢來港，至今28年，對於近日台灣藝人周子瑜和羅志祥連環爆出身份問題，遭網友插爆，河國榮寄以同情。他昨日接受本報專訪，就直呼：「我係香港人。」河國榮不但愛港，更愛港人，希望新一代能救香港。
藝人近日因為身份問題連番爆出兩岸風波，韓國女團TWICE的台灣成員周子瑜被指是「台獨分子」遭內地網民抵制，她拍下道歉片段仍未能平息事件。台灣的羅志祥上周四在內地出席電影首映，爆出一句：「我們都是中國人。」又再燃點中台兩地網民和粉絲爆衝突。對於國籍和身份是否要掛鈎，土生於澳洲，87年發歌星夢來港闖天下的河國榮，在這彈丸地居住了28年，娶了港妻組織家庭，昨日他在深水埗大牌檔接受本報專訪，對自己的身份高呼：「我係香港人。」
■澳洲人河國榮昨日在深水埗舊區的大牌檔接受訪問，表示超愛香港、超愛香港人。攝影：陳志嵐
明顯係被迫道歉對於周子瑜和羅志祥因為身份問題遭網友鬧爆，河國榮表示有留意報道：「如果台灣人話自己係中國人，好明顯係怕中國政府，暫時嚟講，台灣真係唔係中國，但香港真係中國，香港同台灣係兩件事，香港人承認佢係中國人係OK，但台灣未係，但逼佢哋講出其實係唔啱，佢哋講出嚟，幾乎全世界都知佢哋係被迫講，唔會有人信。台灣有個女仔（周子瑜）係被迫道歉，因為佢揮緊台灣旗，明顯睇到佢間公司突然喺內地冇得撈，逼佢唔好揮台灣旗，就話佢係中國人，錢係萬能。」
河國榮曾說過香港絕望指標達八十巴仙，但經過毛記《分獎禮》，這個指數有下降到七十多巴仙，他說：「畀到好多香港人新嘅正能量去面對將來，本來大家幾乎放棄，但𠵱家大家仲有少少希望。」河國榮又說：「香港仍然有希望，下一代可以救香港，但係唔好用以前方法，要用新方法，新一代要認清楚問題喺邊，諗方法去解決，將社會提升，大家開心啲，生活搵到食，解決樓價、地產同租金問題。」他自爆早年差點做業主，但跟賣家往簽約期間，對方收到一個可多付30萬的電話，簽約告吹，所以他非常關心樓價問題。談到無綫，他又不後悔離開：「佢哋政策係唔會擺資源喺老外身上，我留低最多做甘草。」
■河國榮上周在毛記分獎禮中連中兩元，演繹《真．香港地》時更感動觀眾。資料圖片
■河國榮87年買了張單程機票來港，就沒想過離開。
唔想廣東話絕種反而河國榮擔心廣東話會絕種：「好多人話教中文要教普通話，香港人移民咗美加，佢哋仔女係識聽識講，但仔女再生嘅仔女就唔識，三代不保。如果香港幼稚園或小學實行用普通話教學，亦會三代不保，我好鍾意廣東話，我唔想見佢消失咗，我覺得廣東話非常重要，有佢特色同文化，希望可以keep好耐好耐。」
河國榮在《分獎禮》當晚以廣東話流利rap出《真．香港地》，回想收到毛記電視安排他挑戰這首歌時，河國榮反覆練習了四百多次，他邊唱邊感動萬分：「當中寫到『我同你同一種人』，我哋都係真港人。首歌唔係我揀，係香港人揀畀我，我起碼有十次，我一路練，一路眼濕濕，首歌意思真係無得頂。」他愛香港，更愛香港人：「可能講緣份，同香港人係夾，我87年5月31日嚟到就冇走，我都好鍾意香港人，人先最重要。」而最終他在「《分獎禮》連中兩元奪得「曲金曲獎」和「最受歡迎男歌星」獎，與MC仁壓軸獻唱《真．香港地》時又掀起全晚高潮，大團圓結局。
採訪：戴彩煥
■河國榮（左）去年應邀任何韻詩演唱會嘉賓。資料圖片
|
鍾意就快D Share啦！
|
|
|