| 剛從加國回港的陳瀅變得肚凸凸，可能與何猷亨（圓圖）拍拖太開心，搞到肥咗都唔知。 | next 1/1 pre |
 | |
| 陳瀅肥咗搞到有個小肚腩。 | next 1/1 pre |
 | |
| 陳瀅表示在美國期間被盜用信用卡。 | next 1/1 pre |
 | |
| 陳瀅替男友何猷亨澄清沒有追過陳凱琳。 | next 1/1 pre |
 | |
| 陳瀅不想透露可有見過四太梁安琪。 | next 1/1 pre |
 | |
| 何雁詩（資料圖片） | next 1/1 pre |
與賭王四太梁安琪兒子何猷亨蜜運的「宅男女神」陳瀅出席品牌活動，她表示剛從溫哥華「充電」回來，可能拍拖太開心，食多咗，搞到有個小肚腩都唔知。神采飛揚的她自爆被人盜用信用卡：「喺溫哥華屋企返嚟，返咗去10日。（男友一齊去？）我自己返去，我想講我畀人喺美國盜用咗信用卡，用咗4,000蚊港紙嚟買麥當勞同Burger King，我啱啱打咗畀Card Centre取消咗啦，覺得好得意，點解會用嚟買嘢食？」
問為何不帶男友回加國見家人？她說：「因為我好耐冇返去，想同屋企人有私人時間，遲啲先。（屋企人有冇問你拍拖？）有睇到新聞，有講少少。（滿唔滿意男友？）未知，因為未見面。（有冇評價？）咁又冇，始終未見過。（幾時會係適合時間見面？）睇吓我哋兩個幾時一齊有時間返去，因為都要飛成10幾個鐘。（你準備帶男友返去啦？）未知，再穩定啲先。（屋企人飛嚟香港？）婆婆長期喺溫哥華，家姐又有老公喺嗰邊。」
求學時期已經認識
問可有見過四太梁安琪？陳瀅說：「佢屋企人嘅嘢，我唔回應喇。（四太開綠燈喎！）你哋講啫，你問番佢（同男友第一個新年同情人節點過？）未諗，我諗吓，睇吓有冇安排，但就未諗情人節點過。（會唔會去拜年？）未有安排，但我會返廣州屋企同爹哋拜年。」
陳瀅希望情人節會在工作中度過：「因為我放咗3個星期假，冇做嘢好悶。（唔怕男友投訴？）開心就每日都係情人節。（即係依家日日都係情人節？）拍拖係應該開心。（係咪畀滿分男友？）要再觀察吓，未知。（拍咗幾耐？）其實我哋讀書時已經識，識咗好耐，認識佢為人。」
「係我畀人撬牆腳」
對於被指男友包養在九龍站上蓋物業一事，她表示是與人同居：「我係有同人同居，都係姓何嘅，不過佢係何雁詩，同居咗一年，住得好開心，我哋一齊租住，業主唔係男友嗰邊嘅人。（被指包養係咪好難受？）我諗不實嘅報道唔想提喇！（係咪開心男友幫你澄清？）阿Moon（劉佩玥）Sweet啲，佢同我講唔係我撬人牆腳，係我畀人（何猷亨）撬牆腳。（有傳男友追過陳凱琳？）應該就唔係。」
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|
