澳門賭業猛人兼太陽娛樂揸弗人周焯華（洗米華）桃花停不了，雖然正印陳慧玲（Heidi）決定跟他離婚，仲以為Mandy Lieu終於有望坐正，點知今日有周刊爆料，指洗米華趁Mandy喺英國湊女，最近身邊又出現新歡，疑跟得力女助手李素茵（Gina）交往密切，指兩人最近出雙入對孖住應酬，威脅Mandy嘅地位。不過，據知Gina其實是Heidi嘅老友，並非洗米華的新歡，反而係跟隨洗米華多年嘅心腹。雖然洗米華同Heidi已經緣盡，但洗米華未有因此棄用Gina，反而仍然予以重任，唔怕Mandy介意。來自澳門、同洗米華同聲同氣嘅Gina，年約30多歲，來頭唔細，除咗身兼太陽城集團公共及社會關係部高級副總裁，仲係澳門菁英會文康部副部長、澳門娛樂展籌委會主席、澳門影視製作文化協會常務副理事長等等。連串銜頭。上月中，洗米華同Gina齊齊出席澳門百萬行活動，被拍得孖住行密密咬耳仔。其實去年洗米華已與Gina齊齊出席澳門百萬行，當時更帶同女兒同行，Gina也在旁相伴。兩人在公在私都好有默契，每逢Gina有活動要洗米華撐場，佢都唔會托手踭。不過本報向太陽娛樂及Mandy了解，但就暫未有回覆。至於堅決要同洗米華離婚嘅Heidi，被爆原來所住嘅澳門豪宅，業權只屬洗米華一人擁有，自從Heidi決定離婚後，已絕口不提負心漢。
來源 source: http://hk.apple.nextmedia.com
|
鍾意就快D Share啦！
|
|
|
