周秀娜品牌登陸猴急賺千萬
今日是大年初二，女神周秀娜（Chrissie）扭6呎長氣球金猴，祝大家猴年旺相，萬事勝意！Chrissie處女扭金猴，立即愛上這手藝，她更講明他日男友求婚時要扭個氣球教堂，實行浪漫求婚！提到新年願望，她豪言頭半年要勁賺8位數！文：張雯雯 攝：李柏儒
周秀娜大讚她扭的6呎長氣球金猴又靚又得意，更攬到實唔捨得放！
扭完氣球金猴，周秀娜即刻扮埋猴子，樣子趣怪又可愛！
周秀娜當正氣球金猴係男友，錫啖先！
周秀娜在氣球師Mighty的指導下，舉高氣球金猴的頭鑲嵌在猴身上。
周秀娜小時候很怕氣球爆破，但為了新年有個新開始，她決定在猴年豁出去，挑戰扭氣球金猴，在氣球師Mighty的指導下，扭出6呎長金猴。儘管扭時有點雞手鴨腳，為金猴腳泵氣時竟將腳變成象腿，但最後都能完成Mission，扭出一隻會食蕉的金猴哥哥！單身的她還當正金猴哥哥是男友，又攬又錫，更餵「牠」食蕉，場面搞笑！
桃花旺多人追
對於處女扭氣球，Chrissie說：「其實我細細個就驚氣球會爆，不過每次見到啲氣球師好似變魔術咁，連衫都可以扭出嚟着，真係好得意！所以趁猴年到就挑戰自己，扭氣球金猴！」對於自己的作品，她表示相當滿意：「呢隻金猴哥哥我有份扭，真係好靚好得意，真係想帶佢返屋企，日日攬住佢！」她覺得每個男仔都起碼要有一門手藝，在適當時候氹另一半，她說：「希望第日有人可以扭個氣球教堂出嚟向我求婚，要行到入去嗰隻，咁就夠晒浪漫！」
問到單身的她如今仍是單身，會否心急想結婚？她說：「自己都大個唔再好似小妹妹咁，一定要大時大節有人陪，發覺家人同朋友都好重要，最緊要係一家人齊齊整整！」她更自爆有人追：「係有圈外人追我，唔止一個添！不過都係做住朋友先，要了解多啲先再進一步都未遲！」
創立自家香水
桃花旺自然想發大財，Chrissie透露其內衣店已在深圳開實體店，今年投資高達7位數字，希望創立自家品牌推出香水和時裝，問到希望今年賺幾多？她說：「我知道頭半年8位數字等緊我！哈哈！」不過她表示最重要是身體健康，如今體重已回復昔日的102磅：「猴年開始真係唔想再有傷病，我會Keep住做多啲運動，希望好似猴子咁活躍，約定下年學識爬樹，摘生果畀大家食！」
氣球：奇蹟創藝有限公司
場地：five by 5
周秀娜大讚她扭的6呎長氣球金猴又靚又得意，更攬到實唔捨得放！
扭完氣球金猴，周秀娜即刻扮埋猴子，樣子趣怪又可愛！
周秀娜當正氣球金猴係男友，錫啖先！
周秀娜在氣球師Mighty的指導下，舉高氣球金猴的頭鑲嵌在猴身上。
|
鍾意就快D Share啦！
|
|
|
