今晚娜姐喺澳門舉行首場個唱，每晚臨尾聲時都會邀請fans上台，今晚竟然拉咗Eason陳奕迅上台！當時娜姐係想拉台下一個人上台，咁啱就拉咗一直喺台邊嘅Eason上去，兩人跳舞，娜姐中間戴咗阿臣副眼鏡添。阿臣上到台，先嚟個自我介紹：
娜姐問：What's your name?
阿臣: I am Eason.（觀眾已歡呼）
娜姐：Are you from Macau？
阿臣：I am from HK!即係娜姐係唔識阿臣嘅，今次抽中，唔係夾定！阿臣上到台，一時扮雞，一時瞓地，再嚟個蜈蚣彈，令娜姐笑到氣咳。阿臣仲買口乖話:「你想我做乜我都會做!」娜姐再問:「你有冇錢？」阿臣就拎啲錢出嚟，娜姐嫌唔夠，問佢:「More？」期間阿臣同娜姐又一齊跳舞啦，又突然翹起pat pat俾人踢，娜姐亦毫不客氣，又打又踢佢pat pat，非常興奮。一如之前咁多場，娜姐頒咗條蕉俾阿臣，叫佢舐。阿臣有啲尷尬，同娜姐講阿女今晚都在場，娜姐聞言即大笑：「咁你拎番屋企啦，你自己識點用0架」最後兩人一邊跳舞一邊由台上窿窿下降消失於台上。演唱會於00:35完場。之後阿臣受訪，當時佢仲食住條蕉行出嚟。問佢點解俾娜姐睇中？佢話:「我喺台下跳得好high，畀娜姐睇到，娜姐嫌觀眾唔夠high，所以工作人員邀請我上台。我梗係勁興奮啦，麥當娜喎！同埋我身同感受，平時自己開演唱會都嫌啲人冇反應。好開心，好似去咗另一個空間咁！」
| 採訪、攝影:盧妹、仇志德、楊浩賢、陳辰 |  阿臣俾娜姐踢pat pat |  阿臣俾人踢完pat再拉番上台 |
 阿臣瞓地 |  送蕉俾阿臣，叫佢即場舐 |  |
 |  |  |
 娜姐揀中阿臣，真係有眼光！ |  |  |
|
鍾意就快D Share啦！
|
|
|
