「共你相識三千天 我沒名無姓 慶幸也與你逛過 那一段旅程」。黃金十年換來「請大家繼續相信愛情」，Stephy噚日發聲明稱兩人分手與第三者無涉，只係有感於雙方「步伐開始有點不一致 我們遙望著各自的風景 而對方也悄悄地變成了各自的風景…」但亦有傳是因為方力申遲遲唔肯結婚，令Stephy心死。咁啱之前有周本月初喺西環街頭影到小方抱住傷心流淚嘅Stephy……好多由《獨家試愛》就開始追嘅fans，直頭當Stephy同小方分手當成係自己失戀咁，喊晒留言求佢哋唔好分手，又寫埋啲「有一種愛情叫鄧麗欣方力申」(高登瓊姐搶先一步寫咗)，感同身受。今日活動上，小方憶述十年情斷，難忍淚水。他稱這個訪問是他自己安排的，因為唔開心嘅事唔想講咁多次。說到此小方已經眼紅紅。頓了頓，才說:「我同Stephy係由地下情開始，直到俾人影到先至公開。既然開始得咁低調，咁分開其實都想好低調。噚日收到好多朋友關心，我想同大家講，我知道十年係一個好長嘅時間，我哋決定公佈一刻，我隻 手係震得好犀利。」說到此，小方已然說不下去。小方眼泛淚光，頓了頓，再說:「分手唔係我一個人嘅決定，係我哋兩個人嘅決定。喺套戲(《紀念日》)上映之前，我哋已經覺得有問題。冇公佈嘅原因係唔想心地唔好嘅人借機攻擊我哋，以為我哋幫部戲宣傳，呢個係第一。」「第二個原因，係大家真心好珍惜呢一段感情，所以期間……(又停了三秒)…大家有冷靜期。冷靜期期間大家都不斷見面傾偈，過程其實都係好傷心，大家都喊。」此時小方忍不住流下眼淚。「最後一次見面，係喺正十周年紀念嗰日，我哋決定和平分開。所以我哋掹車邊都叫做過到十周年，所以好感恩。」
|
鍾意就快D Share啦！
|
|
|
