網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年3月13日 星期日

【一件起碼耗8卷廁紙】徐淑敏落場行紙巾婚紗騷 著完捐俾大陸? __,大陸,徐淑敏,中國,

用紙巾做婚紗?唔係新鮮事,只係唔環保。維達呢個品牌就話搞搞新意思,用紙巾製作紙婚紗,搞咗個「香港首個紙巾婚紗CatwalkShow」,之前仲要喺fb招募小model,話要讓「一家人見證囡囡著住柔韌嘅Vinda紙巾婚紗行Catwalk嘅難忘時刻」。個騷今日喺鑽石山荷里活廣場舉行,行騷嘅除咗有小model,仲有徐淑敏同蔣怡等等。問蔣怡會否覺得套紙巾造嘅婚紗好唔環保,佢話:「唔覺得喎,因為佢哋本來都係用 ...




其他影片:>>






用紙巾做婚紗?唔係新鮮事,只係唔環保。維達呢個品牌就話搞搞新意思,用紙巾製作紙婚紗,搞咗個「香港首個紙巾婚紗Catwalk Show」,之前仲要喺fb招募小model,話要讓「一家人見證囡囡著住柔韌嘅Vinda紙巾婚紗行Catwalk嘅難忘時刻」。個騷今日喺鑽石山荷里活廣場舉行,行騷嘅除咗有小model,仲有徐淑敏同蔣怡等等。問蔣怡會否覺得套紙巾造嘅婚紗好唔環保,佢話:「唔覺得喎,因為佢哋本來都係用多出嚟嘅物料做嘅,同埋知道會去啲比較窮困嘅地方畀啲將會結婚嘅女仔再着嘅,覺得好有意義。」成個騷起碼有9套紙巾婚紗,細心睇,婚紗嘅物料除咗紙巾,仲有用布料,否則根本承托唔到。但見到啲白雪雪紙巾咁樣浪費,真係……上月《蘋果》向是次活動設計師Noel Chu查詢,佢話為今次活動製作咗8條成人裙、3條小童裙,其中達95%成份用紙巾製作,其餘都係布料。至於維達份新聞稿就未有提供所耗之紙巾量。外國相關嘅比賽資料顯示,要製作一條紙巾婚紗裙,最少使用8卷廁紙;如果要再精美啲,就起碼要用多達超過70卷廁紙先夠。而維達之前解釋,話今次用嚟整婚紗嘅紙巾,係常規生產紙巾過程中「不可避免產生的耗費物料」,好似邊角料(切頭切尾嗰啲物料),「只是把無可避免所產生之耗費物料回收利用」,又話呢批紙婚紗其實除咗用紙巾做,仲有其他物料承托,可以著兩至三次。維達又表示,打算活動後將呢批紙婚紗拎上大陸,舉行婚紗藝術展,之後再將婚紗捐俾大陸偏遠地區、「經濟上未能負擔租買婚紗的同胞,圓他們穿婚紗的夢。」即係,用「其他物料」(即係布料)混入「不可避免產生的耗費物料」去整好多好多件紙婚紗,而呢批婚紗只可以著兩至三次。其實大家都做過小朋友,細個都肯肯定無無聊玩過紙巾,今次呢個活動,維達又如何向小朋友講解呢一個大道理:紙巾唔係拎嚟玩?相關新聞:

維達搞紙巾製婚紗活動 被批評浪費不環保

http://bit.ly/22aIoRg


鍾意就快D Share啦!