掃呢頁CODE去手機

2016年3月26日 星期六

【無綫錫晒蔡思貝陳凱琳】《EU》朱千雪心灰 明年離巢?「有機會投資生意」 __,蔡思貝,陳凱琳,凱琳,無綫,朱千雪,千雪,

屢創「話題」作嘅無綫,最近推出咗一套玩穿越時空嘅《EU超時任務》,估唔到喺高登成為人氣話題劇,擔正做女一嘅朱千雪(Tracy)即刻大受注目,呢單嘢唔講得笑。早於上月,已有周刊話,陳凱琳獲無綫力捧兼有小生男友鄭嘉穎,幾乎部部劇都擔正女主角;煩膠蔡思貝就算被爆涉假學歷,依然坐穩無綫女一的地位。相反,2012年港姐季軍朱千雪雖畢業於名校西門菲莎大學,卻被兩師妹迎頭趕上,故有傳不甘被無綫冷待嘅朱千雪,特登 ...




其他影片:>>






屢創「話題」作嘅無綫,最近推出咗一套玩穿越時空嘅《EU超時任務》,估唔到喺高登成為人氣話題劇,擔正做女一嘅朱千雪(Tracy)即刻大受注目,呢單嘢唔講得笑。早於上月,已有周刊話,陳凱琳獲無綫力捧兼有小生男友鄭嘉穎,幾乎部部劇都擔正女主角;煩膠蔡思貝就算被爆涉假學歷,依然坐穩無綫女一的地位。相反,2012年港姐季軍朱千雪雖畢業於名校西門菲莎大學,卻被兩師妹迎頭趕上,故有傳不甘被無綫冷待嘅朱千雪,特登請假一年,到中大進修企業傳播管理碩士,叠埋心水鋪路轉行。依家有新劇出,舊聞即再被翻炒一事,故事已發展到話朱千雪依家雖然仍然係無綫藝人,但已經密謀求去,另作發展。其實講觀眾緣,千雪BB點都贏過上述兩女,但可能因為佢玩開平民風低調路線,唔夠有後台嘅陳凱琳同把口勁叻嘅蔡思貝競爭,故此工作量少之又少。不甘被投閒置散浪費光陰嘅千雪,舊年同公司請一年假進修,為自己鋪定後路。由於佢入行前係做行政工作,屋企做五金生意,加上朱千雪本身有二千萬物業揸手,所以好有可能喺出年約滿後,離巢轉行。不過,朱千雪就今日接受傳媒電話訪問話大家誤會咗,佢話:「其實我合約有排都未滿,仲有好一段時間,只係之前請咗一年時間去讀書。」千雪好勤力,0依家修讀緊香港中文大學企業傳播社會科學系碩士學位,咁係咪同傳聞中有其他發展?佢話﹕「我諗可以一齊發展,好多藝人都會搞生意,呢個唔影響演藝事業。」係咪好鍾意演戲?佢話﹕「鍾意呀!但我覺得好多機緣巧合嘢好難講,有機會投資生意或讀多啲書,將來嘢冇人知。」有傳聞話千雪不滿陳凱琳同蔡思貝工作機會比自己多,千雪都否認:「我又唔覺,我哋都有傾偈,其實我哋每年每個人都起碼接三、四個劇,我放假前都hold住四套(包括《鐵馬戰車》、《警犬巴打》、《EU超時任務》同《流氓皇帝》),我諗再有多啲,無論任何人都handle唔到。」前兩個劇已經播咗,《流氓皇帝》推出無期,但一套《EU》已經引起全城熱話,播咗五集,高登巴打已經推爆咗兩個po,估計第三個今晚亦將被推爆。陳凱琳同蔡思貝想要noise?除非俾人鬧啦…

有傳陳凱琳同蔡思貝當選後,朱千雪工作少咗,但佢最近喺《EU超時任務》中表現出色,備受網民力捧。(資料圖片) 雖然請咗假進修,但朱千雪連日嚟都配合宣傳 落力玩遊戲
有傳朱千雪(右二)眼見陳凱琳(左一)同蔡思貝(左二)多job接,所以有意唔續約另謀發展。 朱千雪(右三)有份演《赤道》(劇照)

鍾意就快D Share啦!