掃呢頁CODE去手機

2016年3月2日 星期三

盧太:希望大家祝福佢 盧大偉患癌激瘦留醫照講爛Gag __,癌,盧大偉,

盧太:希望大家祝福佢 盧大偉患癌激瘦留醫照講爛Gag盧大偉患癌激瘦 留醫照講爛gag今年71歲的無綫資深藝人盧大偉(盧David),昨突然傳罹患腸癌和病危消息。其實自前年他辭演劇集《倩女喜相逢》後,便鮮有出席公開活動。記者在其facebook的大合照中,發現盧David身形激瘦,精神狀態欠佳。其好友鄧英敏昨表示對方現正在醫院療養,更有「唔認得人」情況出現,不過仍愛搞爛gag,盧太更謂希望大家可以祝 ...


盧太:希望大家祝福佢 盧大偉患癌激瘦留醫照講爛Gag



其他影片:>>






盧大偉患癌激瘦 留醫照講爛gag

今年71歲的無綫資深藝人盧大偉(盧David),昨突然傳罹患腸癌和病危消息。其實自前年他辭演劇集《倩女喜相逢》後,便鮮有出席公開活動。記者在其facebook的大合照中,發現盧David身形激瘦,精神狀態欠佳。其好友鄧英敏昨表示對方現正在醫院療養,更有「唔認得人」情況出現,不過仍愛搞爛gag,盧太更謂希望大家可以祝福佢。

盧大偉是無綫昔日節目《歡樂今宵》的中流砥柱,更是搞笑始祖,除了喜歡搞爛gag,更愛扮鬼扮馬,最經典莫過於他和沈殿霞合跳《天鵝湖》一幕。早年盧David開辦教室,教小朋友口才和配音,兩年前亦曾替無綫客串劇集《女人俱樂部》,重新活躍幕前。同期他原本應承無綫拍另一新劇《倩女喜相逢》,但最後卻以病為由辭演,往後盧David鮮有出席公開場合,直至昨日卻突然傳出他罹患腸癌和病危消息。



■以往屬大碼身形的盧David,近兩年突然急瘦,上年12月出席活動時兩邊面頰亦見凹陷。互聯網圖片



■盧David的太太多年來在丈夫身邊為他打點一切,對於有傳老公患病,她希望大家可以祝福他。互聯網圖片



■就算近年患病,盧David亦致力他的教室。

性格積極正面本報記者昨致電盧太,她說:「佢係年紀大,唧吓油箒,𠵱家有啲攰,感冒都有啲攰喇,今日都有好多傳媒朋友打嚟問,多謝大家關心。」有傳盧David患腸癌?她說:「我都聽講有報道出咗嚟,David𠵱家情況唔想多講,佢需要靜心休養,調理番個身體,我唔係醫生,有啲事我都唔識得點講,佢係一個好正面、好積極嘅人,希望大家都可以祝福佢。」

據悉盧David去年2、3月發現患腸癌,經曾志偉介紹名醫醫治,並已進行切除癌細胞手術後,腎臟亦出現問題,是以他除接受癌症治療外,要接受血液透析療程。據一位上月到醫院探望盧David的好友透露,盧David精神不俗,與友人傾談時心情暢快,還不時講他最擅長的爛gag。



■兩年前盧David(右)曾為無綫拍節目,但其後卻以病為由辭演新劇。



■盧大偉曾是無綫最受歡迎的主持之一。

「少少唔認得人」盧David好友鄧英敏昨透露早前見過對方,發覺他瘦了足足兩個碼,縱使穿很多衫仍覺凍,鄧英敏在電話中表示:「最後一次見佢係去年年尾,當時我哋出席活動,佢係嘉賓之一,原本要上台講嘢,不過佢嗰晚狀態唔係幾好,所以我就走落台同佢傾幾句,見佢傾偈嗰陣,條氣好唔順,如果100分滿分,我諗佢嗰晚得60至65分。其實我估計佢個病係呢兩、三年嘅事,中間唔排除有做過手術,不過可能佢冚住唔想畀人知。有次食飯撞到佢同老婆,都有同佢傾幾句,原本想同佢影合照,不過佢太太就話唔好,話等佢精神啲先再影,咁我都明嘅!」

鄧英敏透露原定《歡樂今宵》一班舊同事在農曆年約埋敍舊,盧David最初應承會和太太出席,但最後都冇現身:「嗰次係珠女(吳麗珠)發起嘅,我哋朋友之間都知佢唔舒服。有個舊同事同我講,佢𠵱家有少少唔認得人,近排一直留喺醫院療養。」記者亦試過致電吳麗珠,她表示早前曾見過盧David,但其他就不方便回應。

至於曾和盧David合作過的薛家燕昨表示:「我幾個月前有聽聞過呢個消息,身體唔係咁好,但係我一直都好忙,我個女都有提過,叫我有時間去睇吓佢。」與盧David同一基督教教會的寶珮如則說:「我同佢同一教會,我只係知佢身體唔係好舒服,好耐冇見佢返教會,其他就唔清楚。」

採訪:王梓嫚、魯吉、何慧斯


鍾意就快D Share啦!