高先生說會多帶忌廉哥落報紙檔同老朋友道別。(林兆崙攝)
深受港人及尖東一族寵愛的尖東人氣肥貓「忌廉哥」要退隱喇！忌廉哥主人、報紙檔檔主高先生剛向東網證實，由於市道欠佳，人流大減，即使業主決定凍租，忌廉哥長駐的報紙檔最遲下月底結束營業。更令一眾忌廉哥迷心痛的事，高暫未有計劃另覓舖頭，忌廉哥日後如何跟fans會面，他說正在研究：「惟有呢個幾月多啲帶忌廉哥落報紙檔同老朋友道別。」
2012年時被偷貓賊擄走，令忌廉哥名字由尖東殺出全港，之後又出書又有blog，每日到報紙檔「朝聖」的fans不絕。可是，對高先生在現址經營了15年的報紙檔而言，只是旺丁不旺財。高指，由去年10月開始生意急跌，營業額跌了一半，每月約10萬舖租加人工確實難捱，故今起展開大清貨行動，最遲5月尾結束報紙檔：「忌廉哥8月就11歲，我知好多朋友會唔捨得，但尖東依家無晒人流，落嚟探忌廉哥又唔係個個會幫襯，結業係好無奈嘅決定。」
市民周小姐對忌廉哥退隱感到非常不捨，稱平時經過尖東都會特地探望忌廉哥，但指將來報檔結業後，即使主人高先生為忌廉哥舉辦聚會，自己都未必有時間出席，惟有在餘下個多月的時間多點去看忌廉哥。
來源 source: http://hk.on.cc
|
鍾意就快D Share啦！
|
|
|