Paul開騷囡囡第一次入場睇，點知囡囡唔鍾意Paul公開演出，仲嬲晒全場人。
歌手黃貫中（Paul）完成其個人演唱會後，在後台獲送贈寶劍作紀念品。受訪時，Paul透露女兒黃鶯首次欣賞演唱會：「佢平時喺屋企會睇電視或者搵我啲片睇，佢未睇過真人，驚佢唔專心，又大聲。頭先佢問我『嗲哋可唔可以唔好返工？』我話一陣唱歌畀佢聽，佢戴咗套headset。（佢驚唔驚？）佢反而呷醋，呷全場醋，頭先氹咗佢一陣。」
一場唔夠喉
談到闊別4年有何感受，Paul表示很好玩：「咁多年仲可以同呢班朋友一齊，好開心。（一場唔夠喉？）一定唔夠，接住會去台灣、內地演出。（帶埋囡囡去巡迴？）未必喇，一陣又呷醋，佢唔鍾意我同人攬頭攬頸。（佢會唔會呷媽咪朱茵醋？）佢會話我搶走媽咪。（咁係咪唔會生細佬、妹？）佢會話唔好，分薄咗，（問佢鍾唔鍾意BB？）佢話唔鍾意，不過小朋友係咁。」
來源 source: http://hk.on.cc
|
鍾意就快D Share啦！
|
|
|
