電影圈一直有不少「小童星」演出，陪伴大家成長，喺螢幕散發出童真……好似近年拍《五個小孩的校長》嘅小演員，演技出眾，令觀眾感動。《寶貝計劃》Matthew Medvedev當時演出只有六個月、《歲月神偷》嘅「大耳牛」鍾紹圖亦已成長，佢表示：「第一次演出係2008年《大搜查之女》，嗰一年我得6歲。」當年被黃子華叫佢返去同日本人講「釣魚台係中國」嘅原島大地，亦有現身，今年18歲嘅佢以廣東話講：「大家好，我係原島大地，2002年我出演第一套電影《母親快樂》，嗰一年我5歲。」已經大個嘅原島大地一出場令人嘩嘩聲，因為佢生得好靚仔，有人仲有啲似游學修同向佐添，今晚亦好多人因為原島大地而喺fb洗版，相信佢經過呢晚之後會好多人搵佢拍戲。美棋BB當年四歲演《香江花月夜》；關佩琳喺1986年時，當時8歲拍咗第一套電影《八喜臨門》；1987年演過《鐵血騎警》嘅張繼聰，當年只得7歲；王嘉明於1983年拍第一套電影《最佳拍檔之千里救差婆》，嗰時只有10個月大；演過《全家福》嘅小彬彬現時已為人父，亦有現身。另外，一班資深演員亦係童星出身，好多都係大家認識，如下：石修：八歲開始拍電影，第一套係1957年《碧血劍》黎小田：1953年拍第一套電影《兒女經》，當時5歲左右杜國威：1956年第一套拍《遺腹子》，嗰時係9歲姜大衛：第一套電影於1951年拍國語片《別讓丈夫知道》，當年4歲阮兆輝：第一套電影係1953年《養子當知父母恩》，嗰陣係8歲秦沛：第一套電影係1948年《蕩婦心》，當年我3歲馮寶寶：1955年拍第一套電影叫《小冤家》
|
鍾意就快D Share啦！
|
|
|
