掃呢頁CODE去手機

2016年4月4日 星期一

【雙宋襲港】騷腿喬妹短裙現身 宋仲基勁揮手冧粉絲 __,宋仲基,宋慧喬,喬妹,

人氣韓劇《太陽的後裔》兩位主角宋仲基同宋慧喬今日襲港,準備出席明日ViuTV嘅開台活動,同時宣傳佢哋部《太陽的後裔》,今朝早7點已經有粉絲一早到機場霸定靚位見雙宋,成個機場特別通道範圍逼咗成400人,好鬼熱鬧。而雙宋由韓國飛嚟香港,航班延誤至中午1點19分才降落,到1點28分先埋到閘口,不過都無損粉絲熱情。雙宋下機後隔咗分鐘先步出,佢哋行VIP特別通道上車,兩旁逾400名粉絲就被安排在圍欄外等候, ...




其他影片:>>






人氣韓劇《太陽的後裔》兩位主角宋仲基同宋慧喬今日襲港,準備出席明日ViuTV嘅開台活動,同時宣傳佢哋部《太陽的後裔》,今朝早7點已經有粉絲一早到機場霸定靚位見雙宋,成個機場特別通道範圍逼咗成400人,好鬼熱鬧。而雙宋由韓國飛嚟香港,航班延誤至中午1點19分才降落,到1點28分先埋到閘口,不過都無損粉絲熱情。雙宋下機後隔咗分鐘先步出,佢哋行VIP特別通道上車,兩旁逾400名粉絲就被安排在圍欄外等候,現場有10幾名保安維持秩序,當雙宋現身時,全場粉絲即時尖叫,大叫Oppa。喬妹一馬當先行先,身穿灰色連身裙襯短靴嘅喬妹大騷一雙美腿,出現時見到粉絲咁熱情,即時展示微笑。而宋仲基就以型look現身,佢着住同佢喺韓國出發時一樣嘅衫出閘,見到咁多粉絲接機,佢都好識做向兩邊粉絲勁揮手,勁冧粉絲。雙宋各自乘坐房車離開,預計二人會先到下榻酒店休息。

攝影:沈健程 喬妹好青春
宋仲基好親民
又揮,冧死粉絲 bye bye

鍾意就快D Share啦!