田蕊妮 陳煒壯聲勢 亞視台喺無綫翻生
無綫全新OTT服務「myTV SUPER」啟動在即，特別安排台慶級直播節目造勢，並以Crossover之作「亞視台」新頻道作宣傳頭炮，安排曾服務亞視的視后田蕊妮、陳煒等亮相，集TVB與ATV的優勢搶攻電視市場！
無綫全新OTT服務「myTV SUPER」電視盒子將於4月18日隆重啟動，為了在異軍突起的電視版圖中搶佔席位，TVB將於17日晚上以台慶級直播節目《萬千星輝睇多D》為新服務作推介，屆時全台藝員傾巢出動，包括視后胡定欣、汪明荃、陳凱琳及鄭少秋等，而鄭裕玲將再度夥拍組合農夫及林盛斌擔任主持，歌手周柏豪亦現身壯「Sing」勢。
《萬家燈火》再現
「myTV SUPER」將推出多個新頻道，當中有「亞視台」感覺的新頻道將作為宣傳主力，實行TVB與ATV劇集大玩Crossover！該頻道將有獲TVB收購的亞視經典劇《萬家燈火》、《肥貓正傳》、《美麗傳說》以及《我和殭屍有個約會》等助陣，無綫亦將出動曾服務亞視的視后田蕊妮、陳煒、江美儀與陳展鵬等實力藝員，為亞視經典劇主題曲獻聲。
貴為無綫視后的阿田，對於亞視劇將在新頻道播出，笑言值得推介：「亞視劇集可以喺另一個頻道播番出嚟，係好值得高興，以前亞視劇可能冇咁多觀眾睇到，依家大家可以睇番，仲可以將台前幕後嘅精神延續出去。對呢個安排覺得好驚喜，自己喺亞視有過一段日子，有幾部對自己好有意義嘅劇集，自己就想重溫番離開前嘅《萬家燈火》。」阿田更將夥拍去年雙雙封后的胡定欣，介紹迪士尼卡通頻道，還有卡通人物登場載歌載舞。
江美儀讚聰明
對亞視劇獲安排於新頻道播出，陳煒感觸表示：「依家亞視劇集不至於失傳，亞視曾經有過好多製作，知道自己嘅《廣東十虎》都有買到，當時挑戰拳腳功夫，係認真製作，希望觀眾會留意番嫩口嘅我」
同樣出身亞視的江美儀坦言收到消息，她大讚：「梗係好依家冇咗亞視呢個台，但我仲可以有機會睇番亞視劇集喎，係好聰明嘅舉動！嚟緊OTT仲會播我嘅新劇《性在有情》，當然要喺節目度支持。」
文：影視組
|
鍾意就快D Share啦！
|
|
|
