被譽為榴槤中的極品「貓山王」，由於味道香濃，成為港人搶購之物。一個重4磅的約為350港元，平均約80港元一磅。「貓山王」主要產地馬來西亞近月受嚴重乾旱，或影響收成，當地已預告「貓山王」售價將進一步扯高。惟近期香港市面離奇出現不少平價「貓山王」，售價較以往平足一半，吸引大批榴槤愛好者搶購。平價背後，有何乾坤？
近期，平價「貓山王」引起網民熱烈討論，陸續有網友聲稱在生果檔發現「貓山王」，最便宜一隻約4磅重僅售百多港元，或是已拆殼起肉售80港元一份，但因品嘗時發現與以往食開的「貓山王」味道不同，味淡又不香，懷疑是假貨，亦有網友懷疑是混種，「當地食依個價錢都唔得，何況坐埋飛機運嚟香港？」有人則力證平價「貓山王」是真貨，又言之鑿鑿，指今年「貓山王」產量大增，所以售價較以往平，更可低至100港元一個。
東網記者往油麻地果欄實地視察，發現部分店舖正熱賣平價「貓山王」，每個重約3至4磅的，售價由80港元到150港元不等。店主落力推介：「同樣大細，以前一個要成300幾蚊，不過今年『貓山王』當造，平咗好多啊！」不過，上月有外電報道，指受厄爾尼諾現象影響，榴槤產地之一的馬來西亞檳城嚴重乾旱，產量或減一半，估計榴槤價格會漲價兩成。店主的當造說法與旱情影響收成的大有分別。
記者之後再向售賣平價「貓山王」的店主尚哥查詢，他指出，要分辨「貓山王」真假，就要看榴槤的底部，他拿起一個「貓山王」榴槤說：「個底有個好似海星印記，就係『貓山王』。」但記者卻發現他手持的榴槤並無如此特徵，他即尷尬地放下榴槤，自爆：「以前貴的『貓山王』係馬來西亞出產，依家呢啲平價嘅，係產自泰國，但品種都係『貓山王』。」
專營馬來西亞榴槤的百年老店游炎記果欄負責人游發誠表示，「貓山王」榴槤主要來自馬來西亞彭亨州，產季由5月至9月，一般又以7月最為當造，現時市面普遍未有「貓山王」的貨源。「依家都未係產季」，他指近年不少東南亞國家出產的榴槤，都自稱是「貓山王」，笑言：「除咗泰國，越南都有『貓山王』。」他教客人如何分辨馬來西亞的「貓山王」：「馬來西亞『貓山王』，底部有明顯五星標誌，好似海星咁嘅樣！其他地區就無。」
|
鍾意就快D Share啦！
|
|
|
