女藝人盡騷驕人身材！
《myTV SUPER呈獻：萬千星輝睇多D》正進行紅地氈，無綫藝人大晒冷，陣容仲隨時勁過台慶！所以無綫女藝人位位都出盡法寶吸睛，當中拋胸組包括有蔡思貝、張秀文、傅嘉莉、苟芸慧及呂慧儀、黃心穎、陳庭欣及黃智雯等等。
蔡思貝以米白色晚裝上陣，露出少許事業線，而傅嘉莉就以橙黃色為主嘅晚裝示人，Deep V設計，力谷事業線。而同樣以黃色晚裝上陣嘅黃智雯同黃心穎，都齊齊「胸」鬥，不過就以黃智雯騷胸又騷腰贏少少。
但過數到最勁嘅，就係張秀文同苟芸慧啦，呢兩位身材勁就不嬲架喇，張秀文以火紅Deep V晚裝上陣，兼且真空上陣，雖然真空，但仍然堅挺，勁騷四吋事業線，而瘦番唔少嘅苟芸慧就以黑色晚裝見人，露出驕人嘅身材。另外，出咗名上圍勁嘅呂慧儀，雖然今次都有騷事業線，可以其他部分就太過密實，令到佢有少少失色囉！
其他女藝人就露背及騷腿，雖然事業線唔夠搶，不過好高貴迷人。
來源 source: http://hk.on.cc
|
鍾意就快D Share啦！
|
|
|
