陳凱琳(Grace)同鄭嘉穎嘅戀情曝光後，大家最關心嘅就係身為教徒成員嘅Grace會如何處理鄭嘉穎嘅「性趣」問題，鄭嘉穎仲問過同為教徒嘅陳嘉寶(Anjaylia)同男朋友點樣解決呢方面嘅問題。時光倒流至去年今日，即係2015年4月16號，就有報道話鄭嘉穎大方承認曾向Anjaylia傾起婚前性行為嘅嘢，當時嘉穎話:「我好尊重每個人宗教信仰，唔好拎嚟做新聞。」轉眼啱啱好一年，又有周刊翻炒呢單嘢，仲寫到有傳身為基督徒嘅陳凱琳迫男友鄭嘉穎「轉會」，由佛教轉為信耶穌。2016年4月16日，陳凱琳同陳山聰現身新城做宣傳，回應「轉會」一事，陳凱琳即澄清話：「佢都知道我有信仰，好自然，佢都會想了解下我嘅信仰係點，我問過佢，佢都係好舒服地、自然地同我一齊返教會，所有嘢都係好自然地發生，就算佢話呢個禮拜唔想去，我都唔會迫佢，大家互相尊重大家。」談到爆呢單「迫男友轉會」事件嗰本周刊講到鄭嘉穎好關心「性事」，但女友嘅宗教信仰亦不容許婚前性行為……陳凱琳聞言即笑道：「我覺得私人嘢唔需要講咁多，唔需要同大家去澄清。」
來源 source: http://hk.apple.nextmedia.com
|
鍾意就快D Share啦！
|
|
|
