一名交通警員在轉彎上橋大動作示意車輛慢駛，避免兩車相撞。(互聯網)
隨着香港近年的示威活動轉趨激烈，警民關係亦漸轉惡劣，但近日一件「好人好事」就為緊張關係帶點緩和。有網民轉載一段私家車駛上高速公路天橋時的車CAM片，見到一輛正高速行駛的私家車在轉彎上橋時，突然有一名交通警員以超大動作示意車輛慢駛，原來不遠處有另一輛四驅車「自炒」，若私家車未有慢駛有可能「炒埋」。不少網民激讚交警行為盡責，「阿SIR 真係搵命搏，真心抵讚！」
該車CAM片段顯示為本月28日晚上9時40分，當時私家車以頗快車速駛上高速公路，但駛至中段彎位時右邊突然出現一名交通警員，並以類似青蛙彈跳式動作示意車輛慢駛，車輛隨即慢駛，並在一秒後看到彎位左邊有一輛四驅車撞壆停在一旁，通道僅剩剛好一輛私家車的寬度，若交警未有示意，兩車可能相撞導致傷亡；車主事後將片段上載互聯網，稱讚遇到一位盡責交警。
不少網民看完後都大讚交警行為敬業，「呢位阿SIR瞓身博命」、「呢排咁多警員違法事件，終於有個要讚吓」；另外亦有網民建議交警下次以閃燈示意，否則上彎車輛不留神隨時撞向警員，「真係好盡責，不過下次揸隻馬(電單車)去撞車前閃燈更好」；亦有部分網民打趣指交警動作嚇人，增加意外風險，「好似隻鬼咁飄吓飄吓，差啲畀佢嚇親」。
網民有話說
球場預言家：我都最驚呢啲盲灣有死車
oneforeall：阿sir有做嘢，不過佢自己都幾危險
~edddie~：好大動作等你睇到！呢個要表揚！good！
mj23sp33：一洗頹氣，i like
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
來源 source: http://hk.on.cc
|
鍾意就快D Share啦！
|
|
|