王傲山奉子成婚：我係最幸運男人
曾跟李彩華拍拖、有線主播劉明軒的保險才俊前夫王傲山（Marcus），與圈外女友Janny Lam拍拖僅數個月便談婚論嫁，月前他向女友求婚成功後，宣佈女友懷孕喜訊，雙喜臨門。昨日王傲山與懷有4個多月身孕的女友Janny，在泰國布吉舉行浪漫婚禮，喜孜孜的他表示：「我係最幸運嘅男人。」而王傲山更豪花百萬購買名貴珠寶及最新款的美國電動車冧妻，對老婆極度痛錫。
保險才俊王傲山（Marcus）前年跟有線主播劉明軒離婚後，戀上任職證券公司的26歲圈外女友Janny Lam，王傲山跟Janny拍拖僅4個月，已於今年2月在台灣放孔明燈向女友求婚，浪漫求婚招式成功冧得Janny答應下嫁。今年3月，王傲山更向外宣佈女友懷孕3個月喜訊，透露預產為今年10月，當時更聲稱待BB百日宴時才一併舉行婚禮。
【肉緊摸B】
■王傲山與懷孕4個多月的Janny昨在布吉舉行盛大婚禮，他禁不住蹲下來聽BB心跳。
【無敵海景】
■王傲山行禮的Paresa Resort曾獲選為世界十大海外婚禮及求婚勝地。
互聯網圖片
■王傲山上周出發到布吉為婚禮作準備，順道放假休息。
互聯網圖片
【婚前聚餐】
■前晚王傲山和Janny，與雙方家人在當地晚飯。
老婆喊到妝都溶不過，原來王傲山早有部署，他昨日選擇在泰國布吉的Paresa Resort跟Janny舉行浪漫婚禮。懷孕4個多月的Janny披上白色婚紗，跟穿上西裝禮服的王傲山在搭建的白色帳篷行禮，最特別之處，是現場還有一頭小象現身婚禮，逗得一對新人及賓客開心不已。
記者昨日致電新郎哥王傲山，問何以選擇在布吉舉行婚禮？他說：「因為我哋搵到間酒店叫Paresa，好多個似古堡嘅resort，佢哋有句slogan好特別，話好多個天堂入邊一個最天堂嘅天堂。同埋長假期，我哋又想放吓假，我哋會留喺度十幾日。」王傲山透露出席婚禮賓客約50人，主要是家人及同學為主，並由他外甥做兄弟。
問婚禮使費可要花費過百萬時，王傲山說：「唔講錢，咁鬼娘，我係最幸運嘅男人。」問到婚禮最感動之處，王傲山說：「最感人係佢爹哋將佢交畀我時，佢爹哋喊得好犀利，叫我好好照顧佢個女。跟住太好天，曬得好緊要，太太一邊喊一邊出汗，個妝開始溶，我就好擔心佢。佢姊妹好好，識咗十幾年同學飛晒過嚟。個個見佢結婚喊得好緊要。」
【小象祝賀】
■王傲山與Janny在海邊的白色帳篷行禮，現場還有可愛小象為婚禮增添歡樂氣氛。
【情深咀嘴】
■一對新人跟姊妹團合照時，情深咀嘴。
小象箍頸錫贈興至於婚禮上出現小象，王傲山解釋說：「泰國係好多婚禮儀式都會有象，象對泰國人嚟講係好有靈性嘅動物，好似朋友咁，象又好可愛，太太安排咗象嚟婚禮。太太捉我開門，突然隻象行出嚟，笑到我飛起，象不停同嘉賓握手，仲有做不同花式，仲箍住我條頸錫我，仲踩咗我一腳㖭，鬼死咁痛。」
為冧老婆，王傲山除送上名貴首飾外，上月更訂購了約74萬的美國新款電動車Tesla Model S 90D給Janny代步，估計合共花費逾百萬，名副其實的愛妻號！
採訪：陳杰
|
鍾意就快D Share啦！
|
|
|
