不慎遺失手機、錢包，不少人都試過，但若遺失的不僅是手機、證件等可補回的物件，而是已故親人僅存的照片，你又有何感受？有網民中午在facebook上載多張相片，指一名20歲地盤雜工日前在將軍澳金門地盤外，於3幅白膠板上撰寫大字報，重酬千元希望賊人歸還手機內僅存的亡母照片等資料，形容現況有如「一把刀刺進我的心……我阿媽過世了，唔好連幾張相唔留畀我留念……請不要害我永生沒法釋懷，不要讓這成為沒法醒的夢」。上載者指，該地盤工在午飯時間休息，惟醒來不見錢包和手機，「即時成個人喊晒口、灰晒，無計可施之下，寫咗第一張大字，之後第二日佢執得番個銀包殘骸，所以出現咗之後第二同第三張大字，有人見到事主食晏時間，跪咗喺大字嗰度喊晒口」，場面傷感；帖文10小時多吸引逾2,000名網民轉載，希望事主盡快重獲亡母照。《蘋果》晚上致電該地盤工黃先生（化名），他表示電話與銀包在日前遺失，當時他正在地盤休息，結果一不留神就被人偷去財物。他稱錢財身外物，但手機內有亡母僅有的珍貴照片，對他來說是非常重要，「成晚都瞓唔着，希望對方會搵番我。自己亦有反思，我過去太過倚賴部手機，結果一唔見咗，對我影響好大。」黃表示，未有就事件報警，因為希望對方能回心轉意，將手機歸還他。對於拍攝他的網民稱，黃當時跪在路邊表現傷感，黃承認有跪在地上，坦言這樣做很傷自尊心，但希望能讓賊人看到打動對方歸還手機，「就算佢真係唔還畀我，我都希望佢下次唔好再咁做，因為真係可能對其他人有好大影響。」
地盤雜工大字報謄本──第一篇求你了，銀包啲錢畀晒你，證件都可以唔要，但係唔該畀返手機我。手機入面啲嘢對我好重要，冇咗就搵唔返，真係唔該你，銀包入面仲有張相，感謝。地盤雜工大字報謄本──第二篇好感激你手下留情，令我搵返銀包，希望入面的現金同八達通可以幫助到你；感謝你留下所有證件，令我免去不少麻煩。你未嘗不是一個好人，我都好窮，係個雜工，今年20歲，未夠18歲就出嚟做地盤；資金有問題，可以付出努力汗水解決，我哋一樣冇錢，就先已努力去搵，大家可以，你都可以。錢冇咗，可以搵返嚟；電話冇咗，可以再買過，但係電話入面的資料冇咗，就永遠都搵唔返，裡面的資料對我嚟講好重要。我明白你缺錢的心情，我都問過人借錢，你缺錢我都可以借畀你，大家都可以幫你，唔緊要嘎，但係電話的資料唔見咗，你就會害得我好慘。電話用咗3年，都唔捨得換，好舊，唔值錢嘎，你令我失去電話，就如一把刀刺進我的心，入面有好重要的資料，有我同家人好多相片、有好多電話號碼、有我返學的資料，所有嘢都喺電話裡面。我阿媽過世了，唔好連幾張相唔留畀我留念。你只係一時之間的貪念，請不要害我永生沒法釋懷，不要讓這成為沒法醒的夢。問題總能解決，大家都可以幫你，大家都會原諒你，電話請畀返我，求你了。地盤雜工大字報謄本──第三篇我知你係個好人，你唔係殺人放火，你只係一時之間搵唔到正確的方法去解決問題，你仲可以返轉頭，真心希望你可以幫幫我，搵辦法畀電話返嚟，回頭是岸，我等你，我們等你，上帝愛你，大家都愛你，等你。如拾獲者，亦可交保安，電話：5607 1702，重酬一千（不追究責任）網民facebook轉載地盤工大字報：
http://bit.ly/1WQty1T【網民點睇】
Lee Tsz On Bruce：有人話個失主食晏，真係跪咗喺度，媽媽過咗身，有啲唯一copy嘅相喺手機，（唔見咗）真係好慘Don Lee：洋蔥味好重Connie Ng：個雜工好型Lui Jam Si：我都失過手機，所以絕對明白你嘅心情，而且你寫嘅成篇嘢也非常touching
|
鍾意就快D Share啦！
|
|
|