掃呢頁CODE去手機

2016年6月23日 星期四

執羅仲謙二攤 袁偉豪終於孭正 [壹週刊 - 1372] __,袁偉豪,羅仲謙,M1,

袁偉豪被有精神分裂的黃智雯狂摑。娛樂偵訊執羅仲謙二攤 袁偉豪終於孭正加入大台快10年的袁偉豪,終於有機會在新劇《三個女人一個「因」》做男一,雖然是執羅仲謙二攤,但機會難逢,就算劇中要俾黃智雯打,都笑笑口頂硬上。上位有望,35歲袁偉豪,下個目標是快啲儲夠錢娶老婆,盡快將碩士港姐女友岑杏賢,私有化!𦧲飯應拍拖接近四年,早已視女友岑杏賢為結婚對象的袁偉豪,一直心急想拉埋天窗,因為對方已經二十七歲,再拖落 ...


袁偉豪被有精神分裂的黃智雯狂摑。

娛樂偵訊

執羅仲謙二攤 袁偉豪終於孭正

加入大台快 10年的袁偉豪,終於有機會在新劇《三個女人一個「因」》做男一,雖然是執羅仲謙二攤,但機會難逢,就算劇中要俾黃智雯打,都笑笑口頂硬上。上位有望, 35歲袁偉豪,下個目標是快啲儲夠錢娶老婆,盡快將碩士港姐女友岑杏賢,私有化!

𦧲飯應

拍拖接近四年,早已視女友岑杏賢為結婚對象的袁偉豪,一直心急想拉埋天窗,因為對方已經二十七歲,再拖落去,好易變高齡產婦。

「 Benjamin(袁偉豪)真係好努力,想快啲儲夠錢結婚,佢話點都要俾女友一個好好睇睇嘅婚禮,唔想求其。其實今次佢孭正都係執羅仲謙二攤,一知道謙仔推咗,佢即刻應承接。出道九年頭一次做男主角,天跌落嚟嘅機會, Benjamin話唔想錯過,佢希望自己可以上到位,有機會做多啲賺錢 job,同 Jennifer(岑杏賢)拿拿臨拉埋。」知情者說。

黃智雯出手重,絕不留力。

除咗打戲,二人亦不乏親密場口。

做咗「老襯」的羅仲謙推掉新劇,最後才由袁偉豪接手。

熱到頭昏腦脹的黃智雯狂食螺絲,被拖累的袁偉豪唔詐形,仲主動開風扇為對方解暑。

任打唔嬲

日前劇組在中環拍外景,卅幾度又翳焗,熱到傻咗的黃智雯狂食螺絲,搞到袁偉豪都要重複又重複。

劇中黃智雯的角色是精神分裂,會失驚無神對袁偉豪拳打腳踢,被對方篤住個鼻鬧,連摑幾巴,袁偉豪照笑笑口,逆來順受。

拍打戲唔識就力的黃智雯,曾有過打傷世界健身先生銀牌曾海昌的紀錄,一嘢批落對方眼角,非常重手。還好袁偉豪亦有番咁上下大隻,頂得住。

07年,袁偉豪奪得港男冠軍入行,係大隻仔,捱黃智雯打,當𢱑痕。

信任最緊要!二人融入對方的朋友圈,無分彼此。

同女友岑杏賢拍拖四年,袁偉豪早已認定對方為結婚對象。

唔撈等嫁

男友趕劇日夜開工,岑杏賢行街打發時間,自己搞掂。

「 Benjamin咁死心塌地,因為佢覺得 Jennifer性格好,唔似公司其他姐仔咁,勾心鬥角;雖然 Jennifer讀咁多書,但大班朋友出去食飯,佢都會俾足面男友, Benjamin成日讚佢夠大體。」

事實上,岑杏賢亦明白自己不受公司器重,加上性格隨和唔鍾意爭,同袁偉豪一齊後,對事業更加零鬥心。

「 Jennifer已經有晒心理準備,只要男友 ready,佢就嫁,專心做人妻同生 B。」知情者說。

多女埋身的袁偉豪,自從同岑杏賢拍拖後就修心養性。

男友趕劇日日開工,岑杏賢自己行街打發時間。

有傳袁偉豪獲黎明賞識,計劃捧他做歌手。

密賺老婆本

結婚要使好多錢,圈中不少男藝人,為咗儲老婆本,頻頻北上賺人仔,拍廣告接劇,乜都殺。

黃宗澤

與日籍女模 Jun戀情浮面後, Bosco揚言要儲老婆本,經常四圍登台,密密飛返內地出席商演活動,又要拍無綫新劇《幕後玩家》,二人長期分隔異地,坦言沒時間拍拖。

洪永城

與唐詩詠拍拖兩年,負面新聞亦無損二人感情,早前更爆出「愛的宣言」短片。近年,洪永城更被無綫力捧,新劇《味想天開》擔正男一,又接下多個大型廣告,密密吸金準備娶唐詩詠入門。

蕭正楠

隨住黃翠如激變億萬千金,蕭正楠為追貼女友身份都密密吸金,一劇接一劇,又接下不少內地登台騷,更揚言要努力賺錢儲老婆本。

撰文、攝影、攝錄:娛樂組


鍾意就快D Share啦!