掃呢頁CODE去手機

2016年6月23日 星期四

生意冇咗 小產傷痛 前大台小花簡珮筠雙重打擊  [壹週刊 - 1372] __,大台,TVB,M1,

面對拍檔出賣,簡珮筠同時還要經歷小產,身心俱疲。探熱針生意冇咗 小產傷痛 前大台小花簡珮筠雙重打擊 在娛圈消失19年的前無綫上位小花簡珮筠,97年拍罷《大鬧廣昌隆》後,毅然轉行從商。在美容界打拼十多年,去年底,她說一盤心血被自己十分信任的拍檔出賣,一切化為烏有。重重打擊,還要承受女人最痛!面對一連串被陷入的困局,簡佩筠沉得住氣,但保不住胎兒,事業受創兼小產。但她抹掉眼淚說:40幾歲,我再重新開始。 ...


面對拍檔出賣,簡珮筠同時還要經歷小產,身心俱疲。

探熱針

生意冇咗 小產傷痛 前大台小花簡珮筠雙重打擊 

在娛圈消失 19年的前無綫上位小花簡珮筠, 97年拍罷《大鬧廣昌隆》後,毅然轉行從商。在美容界打拼十多年,去年底,她說一盤心血被自己十分信任的拍檔出賣,一切化為烏有。

重重打擊,還要承受女人最痛!面對一連串被陷入的困局,簡佩筠沉得住氣,但保不住胎兒,事業受創兼小產。但她抹掉眼淚說: 40幾歲,我再重新開始。

埋頭苦幹四張先嫁

由藝人變成生意人,簡珮筠為自己一手創立的美容生意,日日埋頭苦幹,除卻農曆大年初一,做足 364日。

二十幾歲創業,身邊同齡的朋友有假期就玩通宵,簡珮筠選擇元旦日,一個人拖住兩個喼,飛往上海開山劈石;捱到可以在國內幾十個城市,發展至全球三十多個國家,均有其瑞士品牌的專櫃,將青春、血汗全押在生意上。

「由廿幾歲到三十幾歲,我嘅時間全部放晒喺工作,好多時做到凌晨先收工,所以我四十歲先嫁得出,朋友都話我幸運。」簡珮筠說。

94年是小花的她跟黎明、古天樂主演大台劇《阿 Sir早晨》,但 97年她毅然放棄冇安全感的幕前,轉行從商。

當年她建立的瑞士美容品牌, 05年邀得紅姑出山現身專櫃開幕禮。

傷心收場

右一是她的舊拍檔,簡珮筠說:「識佢時 97金融風暴,佢俾人告緊破產,喺佢最唔掂時我攞晒啲錢同佢一齊建立品牌,依家諗起我覺得好委屈。」

十七年拍檔傷害太深

近十年,生意上軌道,以為人生下半場可以安逸過,她說料不到被生意拍檔出賣,將她的多年心血化為烏有。去年底,四十五歲的簡珮筠,陷入一場苦難當中。

「依家明白咩叫只可共患難,不可共富貴,原來當有錢時會改變。」

金錢、心血付諸流水,及不上被一個信任了十七年,視為恩師及家人一樣的拍檔出賣來得傷害。

「佢(拍檔)爸爸過身時,佢唔喺身邊,係我送終,係我老公攞住佢爸爸啲骨灰去下葬。」說到此,簡珮筠情緒再起波動,因為十多年的心血化為烏有外,她與家人還不斷被電話、短訊騷擾、有人企圖要一個女人仔,在受盡精神折磨情況下退縮不追究。

精神折磨至小產

「在世上有苦難,但靠住上帝能勝過苦難,令我性格更加堅強,我唔會放棄。」基督徒的她說。

去年底,簡珮筠意外懷孕!但身心處於壓力下,屬高齡孕婦的她最終流產,承受雙重打擊!

重提小產傷心事,她的眼淚流個不停。「兩個幾月,都係過唔到第三個月,好失望。我已經盡力保住,盡量叫自己唔好喊咁多,呢個 BB我冇話俾家人知,因為我仲面對緊生意件事。

「嗰日係一月一號,醫生幫我用藥流,我半夜痛到頂唔順要 call十字車送院。最後都捱過咗,我係咪好傷心?係好傷心。我老公係九代單傳,佢屋企人係好希望有小朋友。」說罷,她望一望坐在一旁的丈夫,兩公婆一個眼神,撐住對方。

縱然傷痛落淚,但眼前的簡珮筠還是個硬淨女人。

「冇時間俾我調整,抖一抖氣,伙記從來唔可以因為你唔開心而停止出糧。好在呢啲事喺我仲年輕時發生,若過多十年後先出現,我根本冇翻身機會。」簡珮筠收拾心情東山再起,四十幾歲,重新開始。

守護她

與丈夫 Justin結婚五年,風雨同路。夫婦互相夫持走出陰霾,重新開始與另一位瑞士朋友開拓新品牌「 SUR PUR」,好友戴蘊慧來撐場。

北京開幕禮,趙雅芝夫婦也來撐場。

95《神鵰俠侶》

神鵰陸無雙

94年當無綫小花的簡珮筠,是監製李添勝及潘嘉德的愛將,同秋官合作《笑看風雲》, 95年在《神鵰俠侶》飾演陸無雙, 97年拍罷《刑事偵緝檔案 3》及最後作品《大鬧廣昌隆》,事業未見突破決定離場。

撰文、攝影、攝錄:娛樂組


鍾意就快D Share啦!