掃呢頁CODE去手機

2016年6月23日 星期四

獨家直擊攤牌 林作震騰箍煲 麥明詩爆喊兩粒鐘 [壹週刊 - 1372] __,麥明詩,林作,M1,

8:30pm攤牌後氣氛變得愈來愈緊張,麥明詩開始不斷流眼淚,兼不停用紙巾抹眼淚,騰晒林作則扮鎮定。娛頭獨家直擊攤牌 林作震騰箍煲 麥明詩爆喊兩粒鐘當麥明詩在深圳趕拍無綫新劇《賭城群英會》時,大狀男友林作卻在香港與「A貨麥明詩」、同是牛津畢業的大狀Victoria夜蒲斷正,正印嬲嬲豬,令超過兩年的感情危危乎!上週五(17/6),林作同麥明詩見面食飯箍煲,女友由頭喊到尾,足足兩粒鐘,此情此景,林作都冇 ...


8:30pm

攤牌後氣氛變得愈來愈緊張,麥明詩開始不斷流眼淚,兼不停用紙巾抹眼淚,騰晒林作則扮鎮定。

娛頭

獨家直擊攤牌 林作震騰箍煲 麥明詩爆喊兩粒鐘

當麥明詩在深圳趕拍無綫新劇《賭城群英會》時,大狀男友林作卻在香港與「 A貨麥明詩」、同是牛津畢業的大狀 Victoria夜蒲斷正,正印嬲嬲豬,令超過兩年的感情危

危乎!

上週五( 17/6),林作同麥明詩見面食飯箍煲,女友由頭喊到尾,足足兩粒鐘,此情此景,林作都冇信心,對於能否挽回?也只能說:「五五波。」

重溫初次約會

林作跟同校同窗余穎洋( Victoria)銅鑼灣夜蒲,又在對方的 facebook留言「愛上了……不過太遲」給對方,激到正印麥明詩拒聽電話,將他打入冷宮。

拍完劇,女友終於有空檔返港,林作立即「做嘢」,氹掂麥明詩外出見面。

上週五晚(六月十七日),林作專登同女友到第一次約會的法國餐廳 Upper Modern Bistro食飯,面談謝罪。

透視白恤衫襯牛仔短裙打扮的麥明詩,由林作做司機,接載到上環開餐。

二人坐低後有說有笑,林作稍為說了幾句,已氹得麥明詩眉開眼笑,更怕醜到用餐牌遮面,百分百少女情懷。之後二人點菜,叫了生蠔、鵝肝醬,標準浪漫。

慘樣

抹眼淚

8:15pm

甫坐低,麥明詩即被林作說話氹得眉開眼笑。

笑得開懷,麥明詩開心得要用餐牌遮面。

8:25pm

氣氛突然急轉直下,兩個人不約而同手托頭,無言以對。

喊完又喊,麥明詩惟有用白酒送眼淚。

不停飲酒

但點完菜,話題一轉,麥明詩失驚無神激動起來,塊面黑到呢!只見林作努力安撫,但愈解釋,麥明詩愈傷感愈喊。一路喊的麥明詩聽的多說的少,其間又不停飲住白酒,明知要負責揸車做司機的林作,只飲清水。

一餐飯,麥明詩喊足全程,搞到鼻紅紅,但見餐廳愈來愈多人,她努力深呼吸想控制情緒,但眼淚仍繼續決堤。無誇張,喊足兩粒鐘,麥明詩才在林作陪同下離去。

女友喊唔停,箍煲飯尚未成功。

10:15pm

離開時,麥明詩戴上眼鏡遮眼腫。

麥明詩跟林作拍拖 2年,不時孖住去活動, sweet爆。

未成功箍煲

林作繼續自喻為「被告」,等女友判決。至於女友點解喊,林作說食飯過程有講到之前同 Victoria的事,當時女友係有嬲,但唔係攤牌,亦冇講分手!

「我當然唔想俾人飛好希望再同佢(麥明詩)溝通。」林

作說。

對於麥明詩為何爆喊,二人是否瀕臨分手,林作說:「我哋兩個私下嘅嘢,冇乜再補充。覺得講太多,我同意網民睇法,使唔使搞咁多新聞出嚟,不如交俾我哋私下

處理。」

被問到和麥明詩現時的關係,他說:「我當我哋處理緊,都冇乜進度可言。(膠着狀態?)我好難俾到睇法,總之需要時間空間自己處理。(繼續氹?)當然」林作說。

上週四,林作媽咪跟兒子出活動,接受訪問時,即場叫他「生性」。

唔需要開工,麥明詩也會去做 facial保靚樣。

麥明詩第一次拍劇,即有機會跟阿佘、謝賢等合作。

林母緊張

林作仍未放棄,控方麥明詩曾向傳媒表示有保留。

「順其自然(林作有冇向你交代?)見到嘅影像很片面,發生乜事都唔知。兩個人一齊講信任,我唔想問太多亦唔想再追究,因為覺得冇意思。」麥明詩說。

情海翻波,其實最緊張是林母,麥明詩未選港姐,林作媽咪已拉攏朋友全包她做美容扮靚靚。未來新抱唔開心,林母公開教訓林作。「我叫個仔要乖,要佢聽話生性!」

林作媽咪錫未來新抱,參選時已經安排麥明詩去北角晨琦坊做中藥美容;麥明詩得冠軍後,更戴住后冠去多謝老闆娘小紅。

牛津畢業的林作獲香港大律師公會獎學金後,去年成執業大律師的他,更獲陶傑賞識,在網台齊齊做節目。

劍橋 VS牛津

女友離港拍劇期間,林作被斷正凌晨街頭遇上翻版麥明詩 Victoria,觸發冷戰,這位在牛津法律系畢業的 Victoria都係才女,跟十優麥明詩無論外貌氣質都相似。不過林作表明心跡,表示跟 Victoria只是朋友,絕對唔係鍾意。

麥明詩

•劍橋法律系畢業

•會考獲十優成當屆狀元

•港姐冠軍

林作大讚十全十美

余穎洋

•牛津法律系畢業

•去年任終審法院司法助理

•現為執業大律師

林作在 fb大嗌索

鴨王爆「老婆」喊到好陰功

鴨王何浩文( Dominic)在大台重頭劇跟麥明詩合作,二人扮演夫妻,開工冇耐, Dominic已經老公上身,全撐!先是麥明詩返英國劍橋拍節目特輯,被網民圍插離地,他即撲出來救火,解釋麥明詩只係照稿讀,係專業表現,根本冇離地。

今次跟林作的感情風波,他又再次挺身而出,爆麥明詩知道林作「曳曳」後喊到好陰功。「佢(麥明詩)有同我講,知佢唔開心。」

Dominic說有日開工見麥明詩心情差,他便搵了隻道具戒指氹對方開心,就算外界認為他挑機林作,攝位追十優港姐,他亦唔介意,擺明繼續前進。

麥明詩孭飛的節目出事, Dominic即在 facebook留言力撐。

麥明詩早前返母校劍橋做節目,被網民插爆離地兼做騷。

追到出面的 Dominic,經常將二人拍劇時食飯相放 facebook。

撰文、攝影、攝錄:娛樂組


鍾意就快D Share啦!