掃呢頁CODE去手機

2016年6月21日 星期二

歐國盃:歐國盃 痛失首名!英軍16強或撞葡萄牙! __,

(美聯社圖片)歐國盃B組賽事,英格蘭捉到鹿唔識脫角,雖然全場出齊華Dee、史獨同哈利卡尼,攻足斯洛伐克全場都未能入波,只能失望地打和0:0完場;另一邊廂威爾斯輕取俄羅斯,3戰得6分首名出線,英軍只得5分僅得次名。去到16強,B組次名將硬撼F組次名,有機會撞正葡萄牙,唔係咁蹺呀嘩?英格蘭對斯洛伐克,領隊鶴臣今仗大輪換,搵「利物浦幫」史杜列治、拉爾拉拿、佐敦軒達臣、尼達利基尼做骨幹行軍勁爽,半場大部份 ...


(美聯社圖片)

歐國盃B組賽事,英格蘭捉到鹿唔識脫角,雖然全場出齊華Dee、史獨同哈利卡尼,攻足斯洛伐克全場都未能入波,只能失望地打和0:0完場;另一邊廂威爾斯輕取俄羅斯,3戰得6分首名出線,英軍只得5分僅得次名。去到16強,B組次名將硬撼F組次名,有機會撞正葡萄牙,唔係咁蹺呀嘩?

英格蘭對斯洛伐克,領隊鶴臣今仗大輪換,搵「利物浦幫」史杜列治、拉爾拉拿、佐敦軒達臣、尼達利基尼做骨幹行軍勁爽,半場大部份時間壓住對手嚟踢,其中拉爾拉拿就3次起腳,而史杜列治於開賽初段近門起腳都頗具威脅。但成個上半場最入肉1腳來自占美華迪,華Dee跑贏史卡迪爾半單刀抽射,可惜畀對手門將擋出,半場咬唔入斯軍。

換邊後鶴臣先換入朗尼,之後輪到迪利阿里,希望加強攻力,的確球隊可以壓住對手嚟攻,61分鐘史獨妙傳尼達利基尼,後者落底出波,阿里趕到一抽,但畀史卡迪爾護空門。隨後朗尼禁區頂怒射,又省中對手未能命中。之後鶴臣換埋哈利卡尼入嚟,但呢名熱刺射手依然冇表現,最後英軍只能取得1分。另一方面威爾斯大破俄軍,以1分趕過英格蘭首名出線。目前葡萄牙位列F組第3,如果最後以次名出線,英、葡又會再次於大賽決賽周硬撼,唔通三獅又畀葡萄牙剋死?


來源 source: http://hk.on.cc
鍾意就快D Share啦!