大家跟我讀一次先，讀完再同你解釋：「記者會裡面係講嘢唔做嘢，所以我想做嘢，喺做嘢裡面搵啲自己做到嘅嘢同大家做，咁呢個係我做到嘅嘢！」其實係咁，之前搞演唱會「坎坷過後有艇塔」的「金句王」黎明，今早到「文化產業高峰論壇2016」成為壓軸嘉賓作演講。雖然大家都知他「朝早唔會空肚食早餐」，但可能已經食咗自製熱狗，精精神神繼續爆金句。被問到如何有創意，黎明話每個人都有創意，最緊要啲諗法做出來會令自己開心，如果只係諗賺錢，壓力會大得多。同時他提醒，創意不能天馬行空，「如果你話想做Spiderman (蜘蛛俠)，綁條線喺中銀、IFC度Fing，十次都唔會成功。 」之後談到如何促進本地文化產業時，他就話：「如果我可以做到嘅話，就一定係我可以做到嘅嘢去做啦。」然後表示，可以舉辦一些新媒體活動，吸納「地區歌王」，旗下唱片公司則成為創作新人的「獵人」，但可不用簽約，而反應良好，從新媒體歌曲中得到的收入，可以放回其「小社區基金」，持續培養新人。不過，他其後表示只是一時的想法，「係突然間有人叫我來記者招待會，叫我上台講嘢。我好驚，講唔知講咩好，我成日覺得，記者會裡面係講嘢唔做嘢，我想做嘢，喺做嘢裡面搵啲自己做到嘅嘢同大家做，咁呢個係我做到嘅嘢！」你明啦？記者：胡仲邦掌握財經生活資訊，即Like「蘋果ATM」fb專頁
http://fb.com/appledailyatm
|
鍾意就快D Share啦！
|
|
|
