一直傾電話的黑衣男，趁職員蹲下執貨時，左手（黃圈）迅速拿起一部新手機，並轉身將手機收藏在後面褲袋。
城市打游擊
鴨寮街手機賊曝光
這個科技年代，無論做過什麼、說過什麼、又或寫過什麼，都有可能被全部記錄下來。當你以為做過的事情沒有人會知道時，其實可以原原本本再呈現出來。
深水埗鴨寮街一間手機鋪，早前被一名假扮顧客的賊人，暗中偷去一部價值四千元的手機。賊人以為成功得手離去後，事件便神不知鬼不覺，其實整個犯案過程，已被店內的閉路電視鏡頭拍了下來。而店主亦很快查出了該名賊人的身份，因他早前曾光顧這間店鋪。
店主其後 WhatsApp聯絡賊人，要求賠錢或交還手機。賊人多次說會過數轉賬，但原來都是講大話。店主最後忍無可忍，決定報警之外，還向本刊提供了賊人犯案的閉路電視片段，希望其他行家提高警惕。
而這次被偷手機的店主，由於樣貌討好兼身形高大，向有「鴨寮街男神」的稱號，本刊去年亦曾訪問他，這次遇上大話賊仔，男神也憤怒了。
「你睇吓先達廣場，幾多手機鋪執咗笠，就知呢行好難做啦，依家仲要俾人偷手機，真係慘。」和友人合資、在深水埗鴨寮街經營四間手機鋪的 Jason，向本刊訴說早前店鋪被一名賊人偷手機的事件，並提供了閉路電視片段，公開賊人的犯案經過。
Jason表示，上月二十七日下午五時許，一名穿黑色上衣和斜孭袋、頭髮稀疏的中年男子，來到他們其中一間店鋪睇手機，「呢個人都幫襯過兩、三次，所以我哋都認得佢，仲有佢聯絡電話。」之後，黑衣男就在門口位置的櫃枱，叫職員拿了幾部手機給他看，「佢睇嘅，都係一啲貴價手機。」
扮講電話偷嘢
原來唔熟唔食，從閉路電視片段見到，當職員將幾部手機放在櫃面後，黑衣男開始用右手拿着自己的手機傾電話，而左手就逐部手機拿起來看，好像很忙似的。可能他是熟客仔，櫃枱兩名職員對他戒備性較低，一個不斷蹲下處理貨物，一個則忙於處理電腦資料，「點會諗到熟客仔都會偷嘢。」
其後，仍在講電話的黑衣男，將其中一部手機拿上手。片段可見，當時男職員正踎低身執貨，黑衣男本想藏起手機，但職員這時站了起來，黑衣男反應十分快和冷靜，若無其事地放下手機。數秒後，職員又再踎低，這次黑衣男看準機會，左手拿起手機後，再慢慢轉身，順勢將手機放入後面的褲袋，職員完全沒有察覺。
得手後，黑衣男並沒有慌張逃走，仍然繼續做戲，「佢都好犀利，偷咗嘢仲好鎮定，繼續扮冇事同個店員傾偈。」大概五分鐘後，黑衣男對職員說揀不到心頭好，之後才施施然離去。
閉路電視影晒
黑衣男離去後，職員收拾手機時，才發現不見了一部價值四千元的三星 S7手機，「同事發覺手機唔見咗，立即查看閉路電視，翻查較早前嘅錄影片段，睇吓係咪呢個客人偷竊，結果閉路電視係影到佢拎咗部手機走。」
手機被偷， Jason等人大感憤怒。由於該名黑衣男之前曾經光顧過，所以店鋪有他的聯絡電話號碼，於是 Jason當晚立即 WhatsApp他，直接告訴他已拍下他的偷竊過程，「老實講，其實我哋都唔想報警搞大件事，只係想追討番損失就算。我哋同佢講，一係過番數俾我哋，一係交還手機，我叫個同事去攞，就係咁簡單。」
偷完仲講大話
黑衣男竟照樣回覆，他稱自己正身在大陸，會將款項從銀行過數給 Jason，「由廿七號晚至廿九號，佢講咗四次話會過數，仲叫我哋查看戶口。但我哋查過網上銀行，佢根本冇入數，即係玩我哋啫。」
男神慘被黑衣男所騙， Jason怒斥對方無恥，偷竊被踢爆後還大話連篇，最後忍無可忍，在廿九號晚報警，「當然要報警啦，手機唔見咗，點解唔報警？」軍裝警員到場向他們了解事件，「講起報警仲激氣，明明有片證明係偷嘢，個警員竟然話可能對方唔小心攞走部機，叫我哋自己私下解決。」
而報警後， Jason稱已再聯絡不到黑衣男，「用其他（號碼）電話打俾佢，他可能會接聽，但用我哋嘅電話打俾佢，佢一定唔會接。」記者其後多次致電黑衣男，電話都是關機打不通，「警方方面都未有消息，可能未搵到佢。」
鴨寮街多小偷
深水埗環境一向複雜， Jason向本刊稱，鴨寮街的情況更加惡劣，經常發生偷竊事件，「呢度經常都發生偷手機事件，除咗我哋，好多鋪頭都中過招，俾人偷手機。」為何這裡會這麼多手機賊呢？「啲人冇錢就乜都做得出，而且手機容易脫手，四圍都有人收手機。」
但手機多數放在櫃內，賊人如何下手呢？「佢哋會聲東擊西，一個叫你拿一部，另一個又叫你拿一部，其實佢哋係識嘅，趁人唔為意就靜雞雞收埋部機走人。」 Jason又說，什麼人也有可能是手機賊，「其實乜嘢人都有，只要你嘅貨物放得唔好，就立即俾人偷。」
Jason無奈表示，他的四間店鋪，已被人偷過十多部手機，「都俾人偷過好多次，最少都有十幾次，淨係呢間鋪已經幾次，那邊幾間分店更多。」既然這麼多人偷手機，有何防範方法呢？「呢樣嘢真係防不勝防，惟有打醒十二分精神，叫職員睇緊啲，而鋪頭都裝咗好多閉路電視，希望有阻嚇作用。」
警方回覆稱，該案件已列作「盜竊」處理，由深水埗警區刑事調查隊第七隊跟進，暫時無人被捕。對於被指游說報案人和解了事，警方強調對每宗報案均會以認真及專業的態度處理。
外形殺食 花朵「鴨寮街男神」
今次被人偷手機的手機店老闆 Jason（ 30歲），原來在深水埗鴨寮街十分出名。他不是什麼富二代，也不是什麼名門之後，他之所以為人熟悉，完全因為外形討好，不但生得青靚白淨，加上身高一米八六，成副 model身形，所以他有「鴨寮街男神」的稱號。
由於外形吸引，所以 Jason有不少女粉絲。不少女街坊，平時都會買西餅請他吃，還有不少阿姐都不時問他結婚沒有，會毛遂自薦或話要介紹自己個女給他認識。最誇張一次，是一個女客人為了見他，一天來買幾次電話，「佢買完又放，放完又買。」之後還等 Jason收工，要 Jason送她回家。這麼多女粉絲，女友會否介意？「佢唔知㗎，我都冇同佢講返工嘅嘢，佢知道一定會嬲啦。」
Jason坦言，外形討好對生意會有幫助，「機會率高一點，你講幾句，客人就會買，容易成功一點。」他的同事又踢爆，原來 Jason很受外傭姐姐歡迎，每逢星期日，都有很多外傭找他買手機，甚至會要求和他合照。
撰文：程志康
攝影：王晴、田俊
news@nextdigital.com.hk
|
鍾意就快D Share啦！
|
|
|
